Dijingunuinu 9:20 - O Mikanda Ikola

²⁰ O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.

Dijingunuinu 9:20 ပူးပေါင်းရင်းမြစ်များ

II Jisobha 22:17

Mukonda ene a ngi xisa, ia ohela uasu ua dizumba ku jinzambi jengi, mbé o ku ngi lokalala o kutema mu ibhangelu ioso ia maku mâ; o njinda iami ia bambukila kididi kiki, ki ia-nda ku xikina ku jima.

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

Jisálamu 106:37

Ni anʼâ a mala ni anʼâ ahatu a a satela uâ ku madimonho.

Izaía 2:8

Oxi iâ ue iezala ni iteka; a fukamena ima ia kalakala o maku mâ; bhu pholo ia kima kieneʼokio kia bhange o milembu iâ-ene.

Izaía 41:7

O hete ia ufunu ua suinisa udivi; o mukua kusokelesa ni martelo ua suinisa musudi-a-thumba, kuamba: Kima ki ua sokeka kia uabha. Bhenhobho-phe o kiteka u ki kolesa ni jiphelèko phala ki ki zambe.

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 25:6

Ki mu kaiele jinzambi ja ngene phala ku ji bhikila ni ku ji bheza, kana ue ku ngi thathamesa ni ikalakalu ia maku menu, phala ki ngi mi bhange kia ibha.

Jelemiia 44:8

O ki mua-nda ku ngi thathamesa ni ikalakalu ia maku menu, kioso ki muʼoha uasu ua dizumba ku jinzambi jengi mʼoxi ia Ijitu, mu mua bokona, enu, phala kunhunganena-mu, mbebhu kʼenuʼenu mua-nda ku di jimisa o mbutu anga mu di bhanga mu akua mázui ni lusebu mu kaxi ka miji ioso mu ngongo?

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 51:17

Bheneʼobho-phe athu a tobha, kuijiia a ku lémbua; akua kusula iteka ia kuseta, ene oso sonhi ja a kuata; mukonda o iteka iâ ia utadi ua kuzunza iala makutu, kuma kana-bhu né kiteka kimoxi ngó kiala ni muenhu moxi diê.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 5:4

Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Mikeia 5:13

O iteka ié iòbhange ni maku iala muʼaxaxi ké, nga kà i katula-mu kumoxi ni jipholela jê! O eie-muène, kua kà fukama dingi bhu pholo ia ikalakalu ia maku mé.

Matesu 21:32

Mbata Nzuá ua mi sangele, uejiia kulondekeza athu mu njila ia kuiuka, enu-phe ki mua mu xikana. Akua kutambula lubhaku-phe, ni idianzunga, a mu xikana. O ki mua zubha ku ki mona, kusunga kiá kilunji kia kudiela, ni ku mu xikana, mua ki tokoka.

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 7:41

Anga a bhanga kidifua kia monʼ a ngombe mu izuuʼomo, hé a jibha ibhaku mu satela o kiteka. Anga a bhanga fesa mu kubhana ujitu ni mu sangulukila o kimbamba kia kalakala ene ni maku mâ.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

Matendelelu 31:29

Mbata eme nga kʼijiia kiambote muene kuila o ki ngi zubha o kúfua, enu kidi-èlele muene mua-nda ku di xidisa, o njila i nga mi xindilile mua-nda ku i a bhuka hé mu i xisa. Hádia-phe mu izuua ia kʼeza-ku divuua dioso dienhidi dia-nda ku mi tula muene, se Jihova mua mu bhange phulu, mu ku mu lokalala ni ikalakalu ia maku menu anga mu mu thathamesa.

Matendelelu 32:17

Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.

Matendelelu 4:28

Kuene kiua ku mua-nda kua kà xingila mahamba mókalakale ku maku ma athu, o jinzambi ja miẋi ni matadi; ki ji tena kumona, ki ji tena kuívua, ki ji tena kúdia, mba kuívua dizumba.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

Dijingunuinu 15:1

Anga ngi mona kijimbuete kia kijinganu kia mukuá ku diulu, kia dikota, ki bhekela kudiuana! Sambuadi dia anju, a kuata sambuadi dia mabhebhu, ene kiá o mabhebhu a sukidila-ku, kuma ene a kuzubhila kiá o njinda ia Nzambi.

Dijingunuinu 16:8

Anju ia kauana anga u lundulula nganza iê ku thanduʼa dikumbi, diene anga a di bhana o kuaula athu ni túbhia.

Dijingunuinu 9:19

Kuma o kutena kua jikabalu, kuenié mu kanu diâ ni ku mikila iâ. Mukonda o mikila iâ iedi kala jinhoka, i kala muene ni mítue; iene i a kala mu kuama na-iu o ifuẋi.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.