Dijingunuinu 7:15 - O Mikanda Ikola

¹⁵ Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.

Dijingunuinu 7:15 ပူးပေါင်းရင်းမြစ်များ

I Jisobha 6:13

Nga kà tunga muʼaxaxe ka anʼa Izalaiele, o mundu uami ua Izalaiele ki nga kà xikina dingi ku ehelela, lémbua.

I Malunda 23:25

Mukonda Davidi, uixi: O Jihova, Nzambi ia Izalaiele, ua nhohesa o mundu uê, enhá a-nda kua kà tunga mu Jeluzaleme, katé ku hádia ni hádia.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Izekiiele 37:27

O balaka iami ia kà kala ni ene, emeʼeme ngi kala ngi Nzambi iâ, o ene a kà kala ene o mundu uami.

Ijila 26:11

Eme ue Balaka iami ngiza-na-iu muʼaxaxi kenu, o muenhu uami ki uẋikina dingi ku di kuma nʼenu.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 8:1

Kiki-phe, o ima i tua kuata kuzuela, o diba diê dia kate-ku dienʼidi: Tuala ni Nganga ia Dikota iú, ua xikama ku madilu bhu kiandu kia Ungana-ua-diulu, kia Nzambi-Muteni-a-Ioso.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 13:6

Muène anga u jikula o dikanu diê mu kutanga isunji kua Nzambi, u ẋonguena dijina diê, u lebhula katé ni kididi mua tunga Nzambi, ni ene oso kia ene mu diulu.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 22:3

Ku mbanza koko ki kuà kala dingi kima kioso-kioso kiòbhubhidile kuala Nzambi. O kiandu kia Nzambi, ni kia Kambudi, kià kala muenhomo, o jiselevende jê jà kala mu ku mu bheza jinga.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.