Dijingunuinu 7:12 - O Mikanda Ikola

¹² exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!

Dijingunuinu 7:12 ပူးပေါင်းရင်းမြစ်များ

Nehemiia 12:46

Mukonda tunde kiá mu xahulu, mu izuua ia Davidi, ni ia Asafo, kua kexile jinge atumini a jingimba, ni mimbu ia kuximana, ni kusakidila Nzambi.

Nehemiia 12:8

Akua Leví ue, akexile: Jesuua, Binui, Kadimiiele, Selebiia, Juda, Mataniia, enhá ene ni jiphange jâ a kexi mu tuamena o mimbu ia akua kuximana ni kuimba.

Jisálamu 100:4

Bokuenenu bhu mabhitu mê ni kusakidila, mu tule mu malumbu mê ni mimbu ia kuximana; ximanenu ni ku tumbula o dijina diê,

Jisálamu 106:48

A tane-ku, Jihova, Nzambi ia Izalaiele, tunde dia tunde katé kua kʼàia; mundu uoso etaie, Amene! Haleluia.

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 147:7

Imbidienu Jihova ni kusakidila; xikenu o mbànza mu ximana Nzambi ietu.

Jisálamu 41:13

A tane-ku! Jihova, Nzambi ia Izalaiele, tunde dia tunde, katé dià kalelà-ku! Amén, ni Amén!

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 89:52

Jihova-phe a mu tanese sé dizubhilu. Euá! Amén!

Jisálamu 95:2

Tu bhixila bhu pholo iê ni kusakidila; tu mu kola ni kuimba jisálamu.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Jona 2:9

Maji eme-phe ngi ku satela, ni kuimba ni mbimbi ia kusakidila; ngi futa ioso i nga di hambelela kua Jihova; o kubhuluka kuami ku tunda kua Jihova.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

I Kolindo 14:16

O ki kala u sakidila Nzambi ngó ni nzumbi, ió uoso uala kiximba ua xikama-nê bhu kididi, uanda kuila kiebhi, Amén, ki a ku ivu ua sakidila, o muene ki ua zuela ki ki mu jimbulukila?

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

Kolose 3:17

Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 19:4

Bhenhobho o makuinhi aiadi a kikulakaji ni iuana, ni iama iuana ia muenhu, anga a di bhala, a bheza Nzambi ua xikama bhu kiandu, exi: Amén! Ximanenu Nzambi!