Dijingunuinu 6:8 - O Mikanda Ikola

⁸ Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.

Dijingunuinu 6:8 ပူးပေါင်းရင်းမြစ်များ

Jisabhu 5:5

Inama iê i kulumuka muʼalunga; O uendelu uê u lenguluka kubheka muthu mu inferno.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 24:10

Nga-nda ku a tumikisa mu kaxi kâ, xibhata, ni nzala, ni kipheku katé kia jima o mbutu mu ixi i nga a bhana ene ni jitata jâ.

Jelemiia 29:17

Jihova dia Ifuẋi-phe uambe, kiki: Tala, nga-nda ku tumikisa mu kaxi kâ xibhata, ni nzala, ni kipheku, hé ngʼa bhanga kala bhu jifiku ja bolo, ki ji xikina ku ji dia, mukonda dia kubola kuê.

Jelemiia 43:11

Hé ua kʼèza anga ua kà kuama o ixi ioso ia Ijitu: O uoso a muʼambe ku kalunga, ku kalunga; a muʼambe ku ubhika, ku ubhika; a muʼambe ku xibhata, ku xibhata;

Izekiiele 29:5

Hé nga kà ku xisa mu kikangalakata, nʼeie ni jimbiji joso ja jingiji jé; ua kà sonokena ku mukáu; ki bhuà kala u ku bokuesa mba u ku bhongolola; ngà ku bhana ku iama iaʼxi ni ku jinjila ja diulu, u kale u luandu luâ.

Izekiiele 5:12

Mbandu ié ia katatu ia-nda kúfua ku dibhebhu, anga momuʼé aia ni kujikinina ku nzala; o mbandu ia mukuá ia-nda kuia ni kúfua ku xibhata mu jimbandu jé; o mbandu ia mukuá nga-nda ku i muangena mu itembue ioso anga ngi fomona o xibhata mu kizu ni ii ni ku a kaiela kuema diâ.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Habakuke 2:5

Kala kiki, muene mu ku di uabhela kiavulu ni vinhu, ua kituka mukua mangonha; uala muthu uezala ni ukumbu; vondadi iê iia ni kuvula dingi mukuâ ni mbila iajikuka; uasoko ni kalunga-a-ngombe, kana-ku kima ki mu kuma, miji ioso u i bhongoluela kokuê, o ifuẋi ioso ku mundu u di kongela na-iu muene.

Zakadiia 6:3

Ku dia katatu jikabalu ji zela; o ku dikalu dia kauana jikabalu ja kiphembe; tubalu tuoso tua nguzu muene.

Matesu 11:23

Eie u Kafanau kífua ua zangalala katé ku diulu? A kà ku tulula katé muʼ alunga! Mukonda o isuma ia di bhange mo-mué, se a i bhangele mu Sodoma, hinu ia nange katé ni lelu.

Matesu 24:7

Mbata akua ʼxi imoxi a kà di kuata ni akua ʼxi iamukuá; kilômbo kia kà balukila kilômbo kiamukuá; kua kà kala nzala, ni oxi kutunguta mu ididi iavulu.

I Kolindo 15:55

Eie, kalunga, o kikôue kiê kiebhi? Eie, kalunga, o nguzu iê ia kujibha iebhi?

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 9:15

Anju jiuana anga a ji jituna. Jene ja di polondala phala ola ienhiʼii, ni kizuua, ni mbeji, ni muvu, mbé a jibhe mbandu ia katatu ia mundu mu ngongo.

Dijingunuinu 9:18

O mabhebhu matatuʼama, mene ma jibha o mbandu ia katatu ia mundu mu ngongo: o túbhia, o dixi, o xofidi, ia fuáfua jinga mu kanu dia jikabalu.