Dijingunuinu 6:5 - O Mikanda Ikola

⁵ Kambudi kia jikula o kidimbu kia katatu, ngevu o kiama kia katatu, kixi: Enda kunu! Ngedi ngi tala, kua moneka kabalu kaxikelela. O ua mondala-ku, ua kuata pezu bhu lúkuaku.

Dijingunuinu 6:5 ပူးပေါင်းရင်းမြစ်များ

Kuditenda 5:10

Kikonda kia tu hîmbi-ni-kiene kala forno, mukonda dia hadi ia nzala.

Izekiiele 4:10

O kúdia kué ku u dia, o kunema kuê ku kala kua makuinhi aiadi a xikulu mu kizuua; uila u nanga-ku, u dia-ku; u nanga-ku, u dia-ku.

Izekiiele 4:16

Bhenhobho iú ua ngi tangela, uixi: Eie monʼa muthu, tala: O huta ia mbolo, mu Jeluzaleme, nga-nda ku i bhanga kuila iia ni kulungujuka, ki i kala ukalelu umoxi, anga o mbolo ia kúdia i bhinga ku i pezala, maji ni dilamba, o menha a kúnua a kà a zonga ue mu nzôngo, maji ni kukakuka.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Zakadiia 6:2

Ku dikalu dia dianga kuala jikabalu ja kusuka; o ku dia kaiadi kuala jikabalu ja xiketela.

Zakadiia 6:6

Dikalu kuala tubalu tu xiketela dia mu tunda ku ixi ia thunda; o dia tubalu tu zela dia mu kaiela kuema diá; o dia tubalu tua kiphembe dia mu tunda ku ixi ia Sulu.

Matesu 24:7

Mbata akua ʼxi imoxi a kà di kuata ni akua ʼxi iamukuá; kilômbo kia kà balukila kilômbo kiamukuá; kua kà kala nzala, ni oxi kutunguta mu ididi iavulu.

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 6:1

Bhenhobho nga mono Kambudi kioso kia jikula-bhu o kidimbu kia dianga ku sambuadi dia idimbu. Anga ngʼivua o kiama kimoxi ki zuela ni dízui dia suina kala kinuminu kia nzaji, kixi: Enda kunu!