Dijingunuinu 6:10 - O Mikanda Ikola

¹⁰ Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

Dijingunuinu 6:10 ပူးပေါင်းရင်းမြစ်များ

Dimatekenu 4:10

Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

Jisálamu 119:84

Izuua ia selevende ié, ií iia ngoho ni kunana, kizuua kuxi-phe ki u bhesa o kaxtiku kua ió ala ku ngi zukutisa?

Jisálamu 13:1

Mbambe bhebhi, Jihova tata? kifua ua ngi jimbila-ku? U suka katé bhebhi ni ku ngi suekela o pholo ié?

Jisálamu 35:17

Eie-phe, Ngana, u tala ngó kienhiki katé bhebhi? Kudila o muenhu uami ku iama iii, muenhu uami umoxi-èlele kudila-u muʼaxaxi ka jihoje.

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Jisálamu 9:12

Kioso ki eza mu kuibhula o mulonga ua kijibha, kene kujimba; o ki dikola ngadiama, ka kambe ku mu ivua.

Izaía 61:2

Ni kukola o muvu ua Ngana ua kubhanduluka, ni kizuua kia phonza i tunda kua Nzambi ietu, ni kukonda o malamba kua enhoso a tate;

Kuditenda 3:64

Jihova, eie hinu u a bhana o futu, ia soko ni ikalakalu ia maku mâ.

Daniiele 12:6

Umoxi iu uebhula diiala ua zuata kizuatu kia linho, ua kexe kulu dia hungulule ia menha a ngiji, uixi: O kiki, madiuanuʼama, ma kà bhita thembu kuẋi?

Daniiele 8:13

Kia bhiti kiki, anga ngivua-ku muthu uangene uazele iu ua zuela; o muthu uangene uaiuka ua mukuá, uambela ió uakexe kuzuela, uixi: O kisuma kia jisata ja izuua ioso, kiia katé bhebhi, ni kia kutondala ku buikisa, phala kubhakula o kididi kiangene, ni mundu uê, na u titidila?

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Luka 2:29

Kiki Ngana, mubhikʼê mu katule-ku kiá ni kutululuka, kala ki ua ki tanga.

Luka 21:22

Kuma ioio iandu kala Izuua ia Kaxtiku. Mu izuʼomo muene mua-nda kubhitisa ima ioso iòsoneke mu Mikanda Ikôla.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:24

Babilónia ia dikotʼoio, a mu bhana o kaxtiku kê, mukonda mua muène a sange-mu o manhinga ma jipolofeta, ni manhinga ma akua-Ngana, xi, o manhinga ma athu oso a a jibha jinga mu ngongo.

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Afundixi 16:28

Sasangu anga u dikola kua Jihova, uixi: Ngana iami, Jihova, tata! ngi xinganeke, nga ku diondo, u ngi bhane dingi nguzu mu lumoxi ngohʼulu, Nzambi iami, phala akua Fidíxia ngʼa futise diesu dimoxi ngó ku mesu ami aiadi.

I Samuuele 24:12

Jihova a tu batuile ni eme ni eie! Jihova a ku tatele phonzo iami, maji eme-phe lukuaku luami ki ngi lu zengela kokué.