Dijingunuinu 4:11 - O Mikanda Ikola

¹¹ Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.

Dijingunuinu 4:11 ပူးပေါင်းရင်းမြစ်များ

Dimatekenu 1:1

Mu dimatekenu Nzambi ua bhanga diulu ni ixi.

II Samuuele 22:4

Nga dikola kua Jihova, ua fuama o ku mu ximana, muene iú ua ngi bhulula ku jinguma jami.

Nehemiia 9:5

Kuala akua Levi: Jesuua, ni Kadimiiele, Baní, Hasabeneia, Selebiia, Hodiia, Sebaniia, Petakiia; exi: Fundumukenu, tanesenu Ngana dia Nzambi ienu katé ku hádia ni hádia; ndokuenu mu tanese o dijina dia fuma iê, dia tundu o dibesá dioso ni diximanu.

Jobe 36:3

Tundé ku makanga ngi kiʼamba dingi lua mukuá, kuila, o Ió ua ngi bhanga kène ni mangonha.

Jisálamu 18:3

Ngenda ni kudikola kua Jihova, ua fuama o ku mu ximana; kiene ki ngi bhulukila ku jinguma jami.

Jisálamu 68:34

Ambenu-kiu kuma Nzambi ukôla, utuminu uê ua tambula konda ia Izalaiele, o unéne uê uenda ku madiulu oso a di leka ku matuta.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Jelemiia 10:11

A tangedienu kiki: O jinzambi joso ja kambele ku bhanga maúlu ni oxi, ja-nda ku jikinina kulu dia mundu, ni bhoxi dia diuluʼabha jijimuka-bhu.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jipoxolo 14:15

Enu jingana! Mu bhangela-hi kiki? Etu uetu tuala tu athu ni akuenu, o jihânji jene jimoxi! Tua mi bhana-phe o Jingolokela Jambote kuila mu-xa imʼ iii ia makutu, mu lunge kua Nzambi ia muenhu, ua tena kubhanga o diulu ni oxi, ni musanza ua kalunga, ni ima ioso iala-mu.

Jipoxolo 17:24

Nzambi i tena kubhanga oxi, ni ioso ialamu, muene kuma Ngana ia diulu ni oxi, ka tena kutunga mu jitembulu jokalakale ni maku.

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

Efezo 3:9

Phala ue kuidikisa athu oso o kikutu kiki kia kexile kiòsueke tundé xàhulu kua Nzambi ua bhanga o ima ioso.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Jihebeleu 1:10

Muène ue uixi dingi: Eie Ngana, ku dimatekenu ua bhangele oxi, o maulu ua ma kalakala ni maku mé eie-muène.

Jihebeleu 1:2

Maji kunu kua suku o izuua, ua tu zuelela kua Monʼê. O mua Monʼê, Nzambi muène mua bhangela o ima ioso iene mu ngongo.

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 19:1

Kia bhiti o imʼiii, ngevu kala dízui dia mundu ua dikota mu diulu, exi: Ximanenu Nzambi! O kubhuluka, ni kufumana, ni kutena, kua ngene kua Nzambi ietu!

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.

Dijingunuinu 5:2

Anga ngi mona anju ia dizonda, ua handekela ni dízui dia suina, uixi: Ua fuama kubula o idimbuʼíii nanhi, ni kujikula o divulu didi?

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.