Dijingunuinu 3:18 - O Mikanda Ikola

¹⁸ Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.

Dijingunuinu 3:18 ပူးပေါင်းရင်းမြစ်များ

Jisálamu 107:11

Mukonda a kitukila o maka ma Nzambi, Suke-ku kia a longo kilunji, nguauâ ku mu ívua.

Jisálamu 16:7

Nga sakidila Jihova ua ngi bhana phangu; katé ni muẋima mu usuku ua ngi longo kilunji.

Jisálamu 32:8

Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Jisabhu 1:25

enu mua tobhesa o kaiula kami koso, kubazela kuami mua di tunu-ku,

Jisabhu 1:30

Kaiula kami, ka ka bhana kididi; o kubazela kuami, a ku bhuidila.

Jisabhu 19:20

Xikina kaiula, o kia ku toza, ku te-bhu phata; phala o izuua ié ia sukidila-ku, uijiiie kuenda na-iu kiambote.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Ndongixi 8:2

Eme ngi kuʼambela: O kijila kia sobha aluka-kiu, bhanga kienhókio mukonda dia mulôko u ua lokela Nzambi.

Izaía 47:3

Eie ua-nda kuzuluka, anga dilebhu dié di di monekena; nga-nda kufuta phonzo, ki nga-nda kubhanga katungu ka muthu.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Jelemiia 13:26

Eme-phe ue nga-nda ku ku zakula o izuatu ié ia moxi katé ki i kuiza mu mesu; hé u xala ua zula muene tuẋi-a-thakala.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Mikeia 1:11

Bhita ni tuẋi i kuatesa jisonhi, eie u monʼa muhatu ua tunga bhu Safídia; muhatu ua mukua Zanane iú-ué ku bhata mukonda ka tena ku tunda; o jingololo ji tunda bhu Betesele, bhobhuenu bhene bhu ji suka.

Nahumu 3:5

Jihova dia Ifuẋi, uixi: Eme ngala kuthandu dié, o mu kuzoka ni eie nga kà ku zula muene o izuatu ié katé mu pholo, hé o tuẋi ié nga kà i londekeza ku miji ioso mu ngongo, nga kà edika o sonhi ié, ku ma-utuminu moso, ki ua zulʼiki.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Matesu 13:44

Utuminu ua Diulu ua difangana ni kitadi kiósueke ku mukáu; anga bhu kala muthu u ki bonga, hè u ki dinga. Mu kutana kuê anga uia, u sumbisa ioso iala na-iu, anga u sumba o mukáu uenhó.

Matesu 25:9

Kuala ilumba ia dimuka: Ki ki xikina. Imoxi ki tu soko, ni etu ni enu. Inda ndenu ku abadi, enu uenu mu sumbe.

Luka 12:21

Ngana Jezú anga u lombolola, uixi: Kiene ki kala uoso u bhongolola jimbongo ja muène-muene, o kua Ngana Nzambi kala-ku ni jimbongo.

II Kolindo 5:3

Mukonda kioso kia-ndu tu zuika ni dibhata diodio, ka tu sange tua kambe mukutu.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

Dijingunuinu 16:15

Ivuenu: Eme hinu ngʼiza kala ngi muii! Ua zediua ió uoso ua di lange, ua bhake kiambote o izuatu iê, phala kende ni tuẋi, nʼa mu kuatese jisonhi bhu pholo ia mundu!

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 7:13

Kikulakaji kimoxi, anga u ngi kumuna, uixi: Enhá, a kembe kiki ni izuatu izela, akua-hi? A tundu kuebhi?