Dijingunuinu 22:20 - O Mikanda Ikola

²⁰ O muène ua bhana umbangi ua ima ioso íii, uixi: Kidi kiene, ngiza kindala! Kiene muene! Izé, Ngana Jezú!

Dijingunuinu 22:20 ပူးပေါင်းရင်းမြစ်များ

Mukumbi ua Mikumbi 8:14

Izá lusolo, kazola kami, u di bhange kala hoha, uila kala monʼa ngulungu ku milundu ia mixi ia mazumba ma nuha kia mbote.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Nzuá 21:25

Sai dingi ima ia mukuá iavulu ia bhangele Jezú. Se kuila ioso a i soneka, mu kimoxi-kimoxi, nga fika mu ngongo ki mu soko madivulu mê meji kusoneka.

I Kolindo 16:22

Se bhu kala muthu ua kambe o kuzola Ngana, a kale muthu a mu bhubhidila! Malanata—Ngana ietu ʼza kiá!

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Jihebeleu 10:37

Mukonda, kala kia tange o Mikanda Ikôla: Kuma kua kambe ngó kathangana, kathangana kʼ ofele muène, o Ió tua mu xikamena, uiza; uanda kuiza muène, ka kokoloka.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 1:2

o Nzuá muène iu ua lombolola ima ioso kiá ia mono ni mesu. O kia zuela Nzuá ku Njimbu ia tundu kua Nzambi ni ku kidi kia mu jingunuina Jezú Kristu, kienhiki:

Dijingunuinu 2:16

Dielenu-phe kiá! O ki mu kamba ku ki bhanga, hinu ngi mi sanga kindala, anga enhó ngi lua-nâ ni xibhata i tunda mu kanu diami.

Dijingunuinu 22:10

Anju anga u ngʼambela dingi, uixi: O maka ma upolofeta mu divulu didi, kana ku ma suekela athu, kuma o thembu ia ima íii kubhita ia zukama kiá.

Dijingunuinu 22:12

Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.

Dijingunuinu 22:18

Eme ngi Nzuá, nga bhana umbangi mu kudimuna kuila, muthu uoso uívua o maka ma upolofeta mu dívulu didi, ki kala kiki: Se bhu kala muthu u ta-ku ku makʼama, Nzambi ua kà mu tela-ku muène ku mabhebhu moso mòsoneke mu dívulu didi.

Dijingunuinu 22:7

Jezú uixi: Bhulakanenu! Eme ngi lenguluka kuiza! A zediua ió oso aiuka o maka ma upolofeta mu divulu didi!