Dijingunuinu 22:17 - O Mikanda Ikola

¹⁷ Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

Dijingunuinu 22:17 ပူးပေါင်းရင်းမြစ်များ

Jisálamu 34:8

Lolenu, mu mone kuma Jihova uene ni mbote; muthu ió u lunga uoso ua mu dielela muene.

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Izekiiele 47:1

Kia bhiti imʼiii, ua ngi vutukisa bhu muelu ua Tembulu, mu kutala nga mono menha ala kutunda bhu kikota kia muelu ua Tembulu, a kungulukila ku tundila o dikumbi; mukonda o inzu iene ue ia lungila ku thunda, o menha a kexile mu kufuáfua koxi, ku mbandu ia kadilu iaʼnzu, o mbandu ia uombe ia Kalatódio.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Nzuá 1:37

Jixibulu jiiadiʼji, kia mu ivu kuzuela kiki, a kaiela Jezú.

Nzuá 4:10

Jezú anga u mu vutuila, uixi: Eie se uejidile o ujitu uene mù bhana Nzambi, o ua ku bhingi menha ue, se ua mu ijidile, eie ueji ku mu bhinga muène, nʼa ku bhane menha ma muenhu.

Nzuá 4:11

Muhatu, uixi: Ngana, eie kuala ni kizenzu kia kusunga na-kiu o menha, kixima kia zongo. O menha ma muenhuʼó, u ma sanga kuebhi?

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 4:29

Zenu mu sange diiala dia ngi tangela ima ioso i nga bhanga jinga. O kuila ki mùene Kristu?

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

Loma 3:24

Maji Nzambi mu kiadi kiê u a lungisa, kia vutuka, sé ku a bhinga kima, mukonda dia Jezú Kristu u tena ku a bhulula.

I Kolindo 2:12

Tua tambula-phe, kana o nzumbi iene ku mundu, maji o Nzumbi i tunda kua Nzambi, phala imʼ oio tu ijiie ioso ia tu bhana Nzambi mu ujitu.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 21:9

Anga ku ngi sanga anju imoxi, ku sambuadi a kuatele sambuadi dia nganza jezala ni sambuadi dia mabhebhu ma sukidila-ku. Hé u ngi zuelesa, uixi: Izá kunu, eme ngi ku idikize o Dibhanga, Muhatuʼa Kambudi.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.