Dijingunuinu 22:14 - O Mikanda Ikola

¹⁴ Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.

Dijingunuinu 22:14 ပူးပေါင်းရင်းမြစ်များ

Dimatekenu 2:9

Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Dimatekenu 3:22

Ngana Nzambi anga u zuela, uixi: Tala, muthu ua di bhange kiá kala mukuetu, mu kuijiia kiauabha ni kiaiibha; kala kiki-phe, amoxi u sunununa lukuaku luê, u nomona ue ku muẋi ua muenhu, u dia, nʼa kale ni muenhu ua kambe dizubhilu;

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 118:20

Iá ene o mabhitu a Jihova; kikale athu aiuka, ene ngó a kà bokuena-bhu.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Daniiele 12:12

Ua zediua ió uoso u kingila-ku dingi nʼa bhiẋila bhu midi, ni hama jitatu ni makuinhi atatu a izuua ni itanu.

Nzuá 10:7

Jezú anga ua ambela dingi, uixi: Kidi kiene ngi mi ambela: Eme ngi dibhitu dia jimbudi.

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

Nzuá 14:15

Jezú uixi dingi: Se mua ngi zola, alukenu o ijila iami.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 4:12

Tatʼetu Jakobo, muène ua tu bhana o kiximʼ iki. Ni muène ni anʼê, ni ibhaku iê, anua jinga o menha mu kixima kienhiki. Kífua eie ua beta kota, o tatʼetu Jakobo ndenge?

I Kolindo 7:19

O kukala u muthu a ku saie, ki kima; o kukala u muthu a kambe o ku ku saia, ki kima. Kia kate-ku o kualuka ijila ia Nzambi.

I Kolindo 8:9

Uila kiki, di langienu-phe, sumba mba ufolo uenu uenʼ iú, u bhangesa akuenu kudibhala, oso kiluua a kola mu kuxikana.

I Kolindo 9:5

Kifua eme ki ngala ni ukota ua kuenda ni muhatuʼ ami se uala muxikani, uila ki bhanga o jipoxolo ni akuetu, ni jiphange ja muene Ngana, ni Phetele?

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

I Nzuá 3:3

Muthu uoso-phe mua Kristu u kuata kudielela kiki, ki bhinga u di zelesa kala kia zele muène Kristu.

I Nzuá 5:3

Kuma o henda ia kuzola Nzambi ienhiʼii, o kualuka o ijila iê. O ijila iê-phe ki ia bhonzo ku i aiuka,

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 21:12

Iene i kala ni kimbaka kiê kia dikota, kia lebha, ni kuinhi dia muelu ni kiiadi, o ku mielu kukala alangidi, kuinhi dia anju ni kiiadi. O ku mabhitu kuèsoneke ni majina, mene ma kuinhi dia muiji ni kiiadi ia Izalaiele.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.

Dijingunuinu 22:2

ia-lu kunguluka mu kaxi ka nzunga ia mbanza. Ku sàmbua ni sàmbua dia ngiji, kukala mixi ia muenhu, iene mu kuima kuinhi dia kualidade ni kiiadi ia ibundu ku muvu, i bhana ibundu iê mbeji joso. O mafe mê ma uabhela o kusaka akuajixi.

Dijingunuinu 22:7

Jezú uixi: Bhulakanenu! Eme ngi lenguluka kuiza! A zediua ió oso aiuka o maka ma upolofeta mu divulu didi!

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.