Dijingunuinu 22:12 - O Mikanda Ikola

¹² Jezú uixi: Bhulakanenu! Eme ngi lenguluka kuiza! Ni kifutilu kiami nganda kuiza na-kiu, mu kuuanena athu oso kioso kia tokala mu ima iâ ioso ia bhanga jinga.

Dijingunuinu 22:12 ပူးပေါင်းရင်းမြစ်များ

Jobe 34:11

Mbata o muthu ua kà mu vutuila kia fuama mu imbamba iê ia bhanga jinga; u bhangesa muene kuila muthu ni muthu u tambula kia fuama o njila iê.

Jisálamu 28:4

A bhange kala kioso kia bhanga jinga ene, kioso kia tokala mu kukalakala kuâ kua kubhukumuka; a bhane muene kia soko mu ufunu ua maku mâ, a fute, Ngana, kioso kia a tokala.

Izaía 40:10

Talesa, muadi Jihova ua-nda kuiza kala dizonda, o lukuaku luê-phe luene lua-nda kutumina. Tala-phe o futu iê uiza na-iu, o kisakidilu kiê ua ki tuamekesa ku pholo iê.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Sofoniia 1:14

Kuma kizuua kionéne kia Jihova kia zukama; ku kizuelu kiê, kia-nda kuiza muene lusolo, ki ki kokoloka; bhu kizuua kia Jihova katé ni mazonda a kà di bhana mitendu mukonda dia uoma.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Loma 14:12

Mu kieniiki, kala muthu mudietu, ua kà di bhela konda iê kua Nzambi.

I Kolindo 3:14

Uoso muthu o thungu iê i xala ia tungila ku disesa kuenhoko, muene ua kà tambula nganhu.

I Kolindo 3:8

Maji ni iú ua kunu, ni iú ua tekela, a soko, kuma ene oso ene amoxi. Kala muthu-phe hinu ua kà tambula o nganhu iê kua Nzambi, kioso kia tokala mu kukalakala kuê.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.

Dijingunuinu 22:20

O muène ua bhana umbangi ua ima ioso íii, uixi: Kidi kiene, ngiza kindala! Kiene muene! Izé, Ngana Jezú!

Dijingunuinu 22:7

Jezú uixi: Bhulakanenu! Eme ngi lenguluka kuiza! A zediua ió oso aiuka o maka ma upolofeta mu divulu didi!

Dijingunuinu 3:11

Ngiza kindala! Eie naminina kioso ki uala na-kiu, kana muthu a ku tambule o kitundu kié.