Dijingunuinu 22:1 - O Mikanda Ikola

¹ Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:1 ပူးပေါင်းရင်းမြစ်များ

Jisálamu 46:4

Sai-ku ngiji o milombo iê i tekela o mbanza ia Nzambi; kididi kiangene kia mabhata ma Sukè-ku.

Izaía 41:18

Nga kà jikula jingiji mu ididi ia di-leka, ni jifiẋi mu makôlo; o kikangalakata nga kà ki bilula majiia ma menha, o ixi ia kukuta nga kà i bhanga jithu ja menha.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Zakadiia 14:8

Mu kizuuʼomo-phe, kia kà bhita kuila mu Jeluzaleme mua kà fuáfua ngiji ia menha ma di sanze, ma kà kungulukila mbandu ku musanza ua kalunga ku mutundila kumbi, o mbandu ia mukuá i kungulukila ku musanza ua kalunga ku mutudila-kumbi; O kienhiki kiene ki kia kà kala, ni bhu mvula ni bhu kixibhu a kunguluka jinga.

Nzuá 13:32

O ki kala o fuma ia Nzambi i tukulukila mua muène, kienhiki o Nzambi ue muène ua-ndu kuidikiza o fuma ia Monʼ a Muthu. Nzambi ua-ndu ki bhanga muene mu kindala muenhumu.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

Dijingunuinu 21:11

Ia benha ni kubenha kua Nzambi. O mbanza kumuika kuê kua di fuangana ni diiamande dia te kiavulu, di lekujuka kala tadi dia jaspe, mukuâ ni vídulu ia kenzuluka kiambote.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 21:9

Anga ku ngi sanga anju imoxi, ku sambuadi a kuatele sambuadi dia nganza jezala ni sambuadi dia mabhebhu ma sukidila-ku. Hé u ngi zuelesa, uixi: Izá kunu, eme ngi ku idikize o Dibhanga, Muhatuʼa Kambudi.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

Dijingunuinu 22:6

Anju anga u ngʼambela, uixi: Maka iá a kidi, a tokala ku a dielela. O Ngana Nzambi, uene mu bhana o Nzumbi iê ku jipolofeta, muène ua tumu anju iê kuidikiza selevende jê o ima i bhinga i bhita kindala.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:13

Kienhókio, ima ioso ia bhanga ni muenhu, iene mu diulu, ni mu ngongo, ni koxi a mavu, ni ku musanza ua kalunga, ima ioso kiá iene-ku, nga i ivu i kala mu kuimba, iexi: O diximanu, ni ujitu, ni ungana, ni utuminu, uangene ua ió ua xikama bhu kiandu, ni ua Kambudi, mu mivu ni mivu sè dizubhilu!

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.