Dijingunuinu 21:8 - O Mikanda Ikola

⁸ Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 21:8 ပူးပေါင်းရင်းမြစ်များ

Jisabhu 19:5

Mbangi ia makutu, katena ku di zula mu mulonga; o u tanga o makutu, ka tena kubhuluka.

Jisabhu 19:9

Mbangi i julukala makutu ku milonga, sai kaxitiku kê; o mukua ku tanga makutu, u buika.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Izaía 9:15

O kikulakaji (ua kuka) ni mukuakijingo ene o mútue; o musesedi u longa o makutu, muene o mbunda.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 25:25

Uôma iú ua ngi kuata, eme ngele, talendu ié nga i suekele bhoxi. Tala, o kié ki-kiêʼiki.

Matesu 8:26

Muène-phe ua ambela, uixi: Mualela-hi ni uôma, enu mua tolo o kuxikana? Anga u fundumuka, u bazela o kitembu ni menha ma kizanga; kuma anga ku tululuka, ku di xibha kiambote.

Marku 9:44

Mua bhingi dibhuka die ki di fu, o tubhia tuê ki tu xikina kujima.]

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Matendelelu 20:8

Jifixiiadi a kolokote muene ni kutendelela o kifuẋi ni kuibhula, kuamba: Mukuahi uene ni uoma, uala ni muxima ua botomoka? aie kiá, a vutukile ku bhata diê, tua lengesa kuila uavula kusambukisa akuá o muxima uê ua uoma, anga u botomokesa o muxima ua jiphange jê kala o uê-muène.

II Tesalonika 2:9

Kuma o Kisueia iuná, o ku dʼidikisa kuê, kuenda ni kukalakala kuoso kua Satana, ni nguzu ioso ni iphata ni madiuanu ma makutu.

I Timote 4:2

O maulongelu enhá a tunda ku athu a tanga makutu ni kàdia, kuma o kitongoluelu kiâ kia di fuila mukonda kia ẋiẋidila kala kiauka ku felu iatema.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

I Nzuá 2:22

O mukua makutu-phe, nanhi? Oko muenhó uoso u dituna kuma Jezú ki muene Kristu. Muene o Kristu ia makutu, mukonda muène u dituna ni Tata ni Mona.

I Nzuá 3:15

Muthu uoso u zemba phangʼiê, kijibhangânga. Enu mua kʼijiia-phe kuma, kana kijibhangânga uala ni muenhu ki uàbhua, ua mu tungu moxi diê.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

Dijingunuinu 14:10

muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.

Dijingunuinu 21:27

Maji o muene-phe ki mu bokona ngó kima kioso-kioso kia ufusa, mba muthu u bhanga isunji, ni ió u zuela makutu. A kà bokona mu mbana, ki kale ene ngó a a soneka o majina mâ mu divulu dia muenhu dia Kambudi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Dijingunuinu 9:17

O mu kisuma kiami, nga mono kienhiki o jikabalu ni athu a ji mondala. A zakela ivunga-thulu ia di fuangana kala túbhia mu kukusuka, ni ku tadi dia azulu, ni kuzeluluka kala xofidi. O mítue ia jikabalu iedi kala mítue ia jihoji, o mu kanu diâ mu fuafua túbhia, ni dixi ni xofidi.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.

Afundixi 7:3

Kiki-phe bhana ngolokela mu mátui ma mundu, kuila: Uoso uala ni uoma, uala mu teketa, a vutuke lusolo, mu mulundu ua Ngiliiade a muangane-mu. Ku mundu anga ku vutuka makuinhʼiadi a midi ni midi jiiadi; anga bhu xala ngó kuinhi dia midi.