O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.
Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.
Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.