Dijingunuinu 21:14 - O Mikanda Ikola

¹⁴ O mbanza, kimbaka kie kiò tunge ku disèsa dia kuinhi dia ditadi ni kiiadi, o ku matadi anga a soneka-ku o kuinhi dia majina ni kiiadi a jipoxolo ja Kambudi.

Dijingunuinu 21:14 ပူးပေါင်းရင်းမြစ်များ

Izaía 54:11

Eie, mukua-hadi, u muthu ua takujuka ku mabhuku, mukua kikote! Talesa-ze, kuma o matadi mé ngi ma sokeka ni makembu moso, anga ngi ku xikika ku disesa dia matadi ma safídia.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Jipoxolo 1:26

Anga a a tela jisorte phala bhu kiiadʼ iki kutungula-bhu umoxi. O Sorte hé i kuata Matiia, anga u di bunda kiá kumoxi ni kuinhi dia Poxolo ni imoxi.

Ngalásia 2:9

Mukonda dia kiki, kia zubha o kutongolola kiadi kioso kia ngi bhana Nzambi, ni Tiiaku, ni Phetele, ni Nzuá, ene a fumana kuma jingunji, a ngi bhele, ni eme ni Barnabé, lukuaku lua dilu mu usoko, phala etu tu di tele ku ió ki Jijudé, ene a di tele ku Jijudé akua kusaia.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Efezo 3:5

Mʼ ukulu ku miji iamukuâ o kikutu kiki kà edikisile-kiu luua; o kiki-phe Nzambi mu Nzumbi iê ua ki tukuluila o Jipoxolo jê jangene ni Jipolofeta.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Jihebeleu 11:10

Mukonda Mbalahamu ua kingile dibhata di kala ni madisesa ma nange nena, o mesene iê ni mutungi muène Nzambi.

Juda 1:17

Maji enu-phe akuetu, mu makamba mami, xinganekenu maka ma diangele kutanga o jipoxolo ja Ngana ietu Jezú Kristu.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 21:13

Ku mbandu ni mbandu, mielu itatu: Ku thunda mielu itatu, kusuku mielu itatu, ku sulu mielu itatu, ku luiji mielu itatu.