Dijingunuinu 21:10 - O Mikanda Ikola

¹⁰ Kithangana kienhókio o Nzumbi ia Nzambi hé u ngi kitulula, anju anga u ngʼambata Katé ku mulundu ua dikota ua di leka. Anga u ngʼidikiza o Mbanza Iangene, Jeluzaleme, iala mù tuluka ku diulu kua Nzambi,

Dijingunuinu 21:10 ပူးပေါင်းရင်းမြစ်များ

I Jisobha 18:12

Hé ngiia ngi ta-ku dikunda, eie kunu Nzumbi ia Ngana ia kuambata anga i ku bheka kuma ki ngʼejiia-ku, o kioso ki ngi tudila Akabe njimbu, muene anga u kamba ku ku sanga, u ngi jibha. Nguami, kuma eme ngi mubhikʼé-phe, ngi mukua uoma ua Jihova tunde mu undenge uami.

II Jisobha 2:16

Anga a muʼambela, exi: Tala-ze, abhikʼé ngana, ala kumoxi ni makuinhi a tanu a athu a mazonda; Kiki-phe ambudisa-nâ nda aie mu kusota muadiʼé; sumba a mu zangumuna kuala Nzumbi ia Jihova, i ia mu takuila ku mulundu uoso-uoso mba mu dikôlo dioso-dioso. Muene-phe uixi: Kana ku a tuma.

Izekiiele 11:1

Bheneʼobho Nzumbi ua ngi fundumuna iú ua ngi bheka bhu dibhitu dia mbandu ia thunda ia inzu ia Jihova, dia talela ku mutundila-kumbi; tala, bhu muelu ua dibhitu bhua kexile makuinhi aiadi a muthu ni kitanu; o muʼaxaxe-kâ nga mono-mo Jahazaniia, monʼa Azule, ni Pelatiia, monʼa Benaia, o kilamba kia kifuxi.

Izekiiele 11:24

Kia zubha kubhita imʼiii, Nzumbi ia Nzambi ua ngi zangula iú ua ngʼambata mu kisuma katé ku Kaldeia, kua iá ala ku ubhika, ua ngʼambata mu Nzumbi ia Nzambi; anga o kisuma ki nga muene ki bhita.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Izekiiele 8:3

Anga u sunununa bheneʼobho kima kiedi kala lukuaku, ki ngi kuatela mu jindemba ja mútue; O Nzumbi ia Nzambi anga u ngi zangumuna mu dingani-dinga, hé u ngi bheka mu Jeluzaleme katé bhu muelu ua dibhitu dia lumbu lua mʼoxi, ua talela ku mbandu ia kusuku, bheneʼobho bhua tudila o kiteka kia difuba, ki bhangesa muthu ku kala ni difuba.

Jipoxolo 8:39

O ki a kala mu zauka mu menha, Nzumbi ia Ngana u katula-ku Felipe anga uia-nê. Ngolambole ka mu mono dingi mesu, maji uia ni kuenda njila iê ni kusanguluka.

Ngalásia 4:26

Maji o Jeluzaleme ia diulu-phe fôlo, muene mamʼ etu etu.

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.

Dijingunuinu 17:3

Anga ngi kala mu Nzumbi kithangana kienhokio, anju hé u ngʼambata katé mu kikangalakata. Kuenhoko ngi mona muhatu ua xikama ku kiama ki kusuka. Kiene a ki soneka majina avulu a kuẋonguena Nzambi. Kiama kienhiki ki kala ni sambuadi diê dia mútue, ni kuinhi dia lumbinga.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 4:2

Kithanganʼokio anga ngi kala mu Nzumbi. Ngi talesa kiandu a ki xikika mu diulu, sai-ku ni ió ua xikama bhu kiandu.