Dijingunuinu 20:9 - O Mikanda Ikola

⁹ Ene anga a di zala mu ngongo, oxi ioso iezala katé ku mbambe, anga a kondoloka o kilômbo kia akua-Ngana ni mbanza ia zolo muène, hé a i ta bhu kaxi. Maji mu diulu mua tuluka túbhia, anga tu a buikisa.

Dijingunuinu 20:9 ပူးပေါင်းရင်းမြစ်များ

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

II Jisobha 6:15

O mubhika ua muthu ua Nzambi, kioso kia balumuka mu kimenemene, u tunda, u tala kuila mbonge a i kondoloka kuala kifuẋi kia dikota kia masoladi ni jikabalu ni makalu; bheneʼobho u dikola kua muadiʼê, uixi: Ai! Muadi, tata! Tua-nda kubhanga kiebhi?

Jobe 38:18

O kuzanza kua ixi ioso eie ua kuijiia muene kiambote? Ngambele na-kiu hanji, se ima ioso iii eie ua ijiia.

Jisálamu 106:18

Kua uama túbhia mu junda ia mundu uâ; a bhukumukʼó auka ku mulengo.

Jisálamu 87:2

Jihova ua solo o mielu ia Ziione, mabhata moso ma Jakobo ma mu kala ndenge.

Jisálamu 97:3

Ku pholo Iê ku tuamena túbhia, o jinguma jê ji jokotela mu jimbandu.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 38:22

Anga mu ku zoka-nê nga kà mu bilukila ni dibhebhu ni manhinga; ni mvula ia kungulula-musoke, ni imatadi ia makota ia mvula, nga kà lauila túbhia ni xofidi ku thandu diê, ni ku thandu dia masoladi ê, ni ku thandu dia miji ia vulu ioso i kala kumoxi ni muene.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Izekiiele 39:6

O Mangongo nga kà mu tumikisa túbhia, ni muʼaxaxe ka ió a tungu a somo mu ikolo; anga a kʼijiia kuila eme ngi Ngana.

Mikeia 2:13

Mukua kubula mazungu ua kà a diangela ku pholo: ene a kà mu kaiela a kà bokuena anga a kà tundila bhu muelu; sobha ià ua kà a tuamenena, Jihova muene ua kà a kala ku pholo.

Habakuke 1:6

Mukonda ngi balumuna o muiji ua jikaldeu, muiji ua temanana, uazanzuka, o ixi u i endela bhu kuzanza kuê, anga uia mu ku bhingana mabhata ki ma mu tokala.

Dialuilu 11:1

Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 16:35

Kuabhu-phe, anga ku tunda túbhia kua Jihova, anga tu jikinisa o hama jiiadi ni makuinhi atanu a muthu a kexi mu kuoha o uasu ua dizumba.

Luka 17:29

O kizuua-phe kia tundile Lote mu Sodoma, ku noka túbhia ni xofidi ia diulu, hé tu a buidisa ene oso.

Luka 19:43

Kuma izuua ia-ndu kuiza, jinguma ji ku kandeia jimbonge mu jimbandu, ji ku konda, ji ku xita matundilu moso,

Luka 21:20

Jezú anga uamba dingi, uixi: Ki mu mona-phe Jeluzaleme a i kondoloka ni ifuẋi ia masoladi, ijiienu-kiu kuma kubuika kuê kua zukama.

Luka 9:54

O jixibulu jê, Tiiaku ni Nzuá-phe, kia ki mono, exi: Ngana eie uandala tu tuma túbhia tu láuka ku diulu mu ku a buidisa?

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

Jihebeleu 13:13

Uila kiki-phe, tu tundienu mu kilombo, tu kane Jezú muène, ku kangʼoko, ni kuambata o dilebhu diê.

Dijingunuinu 11:5

Se bhu kala muthu u sota ku a bhanga kima kiaiibha, mu kanu diâ mu fuafua túbhia tu buidisa o jinguma jâ. Kienhiki uoso u sota ku a kuama, kikale kiene kia mu jibhʼiki.

Dijingunuinu 13:13

O kiama kia kaiadi kiki, anga u bhanga iphata ia makota, katé ni kubhangesa kuila túbhia tu tuluka ku diulu katé bhoʼxi, bhu pholo ia athu oso.