Dijingunuinu 20:4 - O Mikanda Ikola

⁴ Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 20:4 ပူးပေါင်းရင်းမြစ်များ

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Daniiele 7:9

Eme nga kexe-phe mu kukengelela, katé kia bheka iandu, a i tula, anga Mukulu-ua-Ndamba uxikama. O kizuatu kiê kizela kala neve, o kindemba ku mútue uê kala lâ iazele kiambote; kiandu kiê milengo ia túbhia, o malola mê túbhia tua muzukuta.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Matesu 24:10

Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ.

Marku 6:16

Helode-phe kia kʼivu, uixi: Nzuá dia Batizu nga mu batuile o mutue, muene ua fukununa!

Marku 6:27

Kithanganʼokio sobha u katula disoladi ku alangidiʼê, u tuma mutue ua Nzuá dia Batizu. Muene anga uia mu ʼaleia, u batula mutue ua Nzuá.

Marku 9:11

Anga a mu ibhula, exi: O asoneki, ala kuila kiebhi kuma ki bhinga Elija u dianga kuiza?

Luka 1:17

Muène u kala mukunji ua Nzambi, ua kà soka ni polofeta Elija mu nguzu ni kutena, nʼa kà bhangesa kuila o ana ni jitata a dʼivua, o ió abhukumuka a kà vutukila mu njila ia kuiuka, nʼa tena kubhangesa kuila o kifuẋi kia diembu dia Izalaiele ki di iudika mu kuxikamena o kuiza kua Ngana.

Luka 14:14

nda u kale ni kuzediua. Mukonda ene ka tena ku ku vutuila, mu kufuta ki ua a bhange. Maji vutuilu iê-phe ua kà i tambula kua Nzambi, kizuua ki fukunuka athu oso abhangi-a-mbote.

Luka 22:30

Phala enu uenu mu-die, mu-nue, ku meza mami mu Utuminu uami, hé mua kà xikama ue ku iandu, phala mu fundise o kuinhi dia miji ni iiadi ia Izalaiele.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Loma 11:15

Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!

Loma 8:17

O ki tu kala tu ana, tuala tu alundudi a mabesá oso a bhakela o mundu uê. Kristu mulundudi ni mukuetu, etu uê tua kà lundula-nê kumoxi mu ima ioso ia mu bhakela Nzambi. Kabasa tu bhita-nê kumoxi mu hadi, tua kà kala-nê kumoxi mu fuma iê.

II Timote 2:12

Se tua jiji ni kukolokota mu hadi, tua kà hinga-nê kumoxi o ungana. Se etu tua mu ditunu, Muene ue ua kà tu dituna.

Dijingunuinu 1:2

o Nzuá muène iu ua lombolola ima ioso kiá ia mono ni mesu. O kia zuela Nzuá ku Njimbu ia tundu kua Nzambi ni ku kidi kia mu jingunuina Jezú Kristu, kienhiki:

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 11:11

Maji kia bhiti-phe izuua itatu ni kaxaxe, o muha ua muenhu u tunda kua Nzambi hé u a bokona dingi mu thulu jâ, anga a fundumuka, emana nzànza. Ene oso a a mono, anga a bhuuama ni uôma uavulu!

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Dijingunuinu 11:7

Kioso-phe o mbangi jiiadʼiji ki ja kà zubha kutanga o njimbu iâ, o kiama hinu ki tunda mu dikungu ki di moneka hole, ki lua-nâ ita, hé ki a tolola, ki a jibha.

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 15:2

Anga ngi mona kidifua kia kizanga kia vidulu iolunge ni túbhia. Hé ngi mona ue ió oso a bhânge ni kiama, iá a mu tolola, muène ni kitèka kiê, kumoxi ni iala ió ua bhingi o númelu iene iala bhu kididi kia dijina diê. Enhá, a tolola, hé emana bhu kizanga kia vidulu, a kuata kuxika jimbànza ja a bhana kuala Nzambi.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.

Dijingunuinu 2:26

Uoso u tolola, u aiuka imbamba iami katé bhu dizubhilu, muenhó kala eme kia ngi bhana ukota ua kutumina kuala Tata iami, eme ue ngi mu bhana ukota ua kutumina akua jixi.

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 6:9

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.

Dijingunuinu 7:3

Anjo u a ambela, uixi: Kana kukuama oxi, mba musanza ua kalunga, mba mixi, katé ki tu zubha ku a ta kidimbu bhu dibhomo, oso jiselevende ja Nzambi ietu.