Dijingunuinu 20:14 - O Mikanda Ikola

¹⁴ O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 20:14 ပူးပေါင်းရင်းမြစ်များ

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

I Kolindo 15:26

O nguma i sukidila ku i bhuisa-ku, o kalunga.

I Kolindo 15:53

Kuma o mukutu iú ua kalunga, ki bhinga u zuata ió ki u-fu dingi, ni iú uanda kufua, ki bhinga uzuata ió ua muenhu ki uabhua.

Dijingunuinu 1:18

Ememuène ngene o muenhu! Nga kexile nga fu, o kiki Emeʼami-ú ni muenhu, katé ku hádia ni hádia. Eme-muène nga kuata o jisabhi ji jikula mu mbila ni muʼalunga.

Dijingunuinu 14:10

muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 20:13

O musanza ua kalunga anga u bhana oso madifundu ala-mu. O kùfua ni kalungʼa-ngombe, anga a bhana uâ ni madifundu mâ ma jikilile bhoxi dia kutena kuâ. Ene oso hé a a fundisa mu umoxi-umoxi, kala kia tokala mu imbamba iâ ia bhanga jinga.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.