Dijingunuinu 2:26 - O Mikanda Ikola

²⁶ Uoso u tolola, u aiuka imbamba iami katé bhu dizubhilu, muenhó kala eme kia ngi bhana ukota ua kutumina kuala Tata iami, eme ue ngi mu bhana ukota ua kutumina akua jixi.

Dijingunuinu 2:26 ပူးပေါင်းရင်းမြစ်များ

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Jisálamu 2:9

U a tolola ni mbangala ia felu; u a bhanga imenga-imenga kala ímbia ia mavu.

Jisálamu 49:14

O mu ku a funda, a di kaiejela kala jimbudi jiia mu kibhanga; kalunga-ka-ngombe u a kombola mu bombo diê; kukia ngó mu kimene, kijingo kiâ kia bhitila kia ku athu aiuka; o mukutu ua uabhele iú sekumukina mu mbila, mukonda ki ua mono dingi kididi kia kukala.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Matesu 10:22

Enu a kà mi zemba kuala athu oso mukonda dia dijina diami. Uoso-phe u kolokota katè bhu dizubhilu, muène uà bhuluka.

Matesu 19:28

Jezú anga u mu ambela, uixi: Kidi kiene ngi mi ambela, mu kikexilu kióbhe. Monʼa Muthu kia kà xikama ku kialu kia ungana uê, enu uenu mua ngi kaiela, mua kà xikama ku kuinhi dia ialu niʼiadi, mu fundisa kuinhi dia miji niʼiadi ia Izalaiele.

Matesu 24:13

Maji uoso-phe u kolokota katé bhu dizubhilu, muène uà bhuluka.

Nzuá 6:29

Kuala Jezú: O kikalakalu kia Nzambi kienhiki, kuila mu xikana ió uoso muène ua mu tumu.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

Jihebeleu 3:6

Maji-phe Kristu fiiele, kuma Mona mu dibhata dia Nzambi. Etu-phe tua kà kala tu dibhata diê, se tua jijila o kubhua uôma ni kudielela kuetu ku tua di fiiala ku kioso ki tua kinga, katé bhu disukilu.

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Nzuá 3:23

O kijila kiê kia tu tumu, kienhiki: Kuila tu xikane mu dijina dia Monʼê Jezú Kristu, tuixi ni kudizola mudietu, uila muène Kristu kia tu tumu.

I Nzuá 5:5

Nanhi u tena kutolola o mundu? Kikale uoso ngó ua xikana kuma Jezú Monʼa Nzambi.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.