Dijingunuinu 2:22 - O Mikanda Ikola

²² Talesa, ngi mu takuila bhu hama, kumoxi ni oso a ta-nê jiphanda, anga aia mu hadi iavulu! Ngi ki bhanga muene kindala, se a kamba kudiela o imbamba iâ ia bhange-nê.

Dijingunuinu 2:22 ပူးပေါင်းရင်းမြစ်များ

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Izekiiele 23:29

Ene-phe a-nda ku ku vutuila ni luma, hé kikalakalu kié kioso a kà ki ambata, eie a ku xá tuxi-a-thakala, ua zuluka muene; anga o jisonhi ja undumbu ué ji tukuluka, ni maufusa mé ni uhabhu ué.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Sofoniia 3:7

Eme-phe, ngixi: Ukala kiá ni uoma uami, uẋikina kiá o ku ku bazela, phala u tunge u some, o kididi kié ki xalele ka ki sengulule kala ki ngambele kubhanga mukonda dia ikuma ié, maji anʼé a di meneka muene mu ku beta kuxidisa dingi o ikalakalu iâ ioso.

Luka 13:3

Nga mi ambela, kana! Enu uenu se mu kamba-phe kudiela, enuʼ enu oso mua-nduʼ fua kiòmuene.

Luka 13:5

Nga mi ambela, Kana! Enu uenu se mu kamba-phe kudiela, enʼuenu oso mua-nduʼfua kiòmuene.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.

Dijingunuinu 2:5

Xinganeka ditala di ua di bhale, u diele o ituxi ié ni kubhanga ima ia tokala mu kuandekela! Ki u kamba ku ki bhanga, hinu ngi ku sanga hé ngi ku sondolola o kandeia bhu kididi, se u kamba kudiela.