Dijingunuinu 2:17 - O Mikanda Ikola

¹⁷ Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 2:17 ပူးပေါင်းရင်းမြစ်များ

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Makatukilu 16:33

Mozé anga u ambela Alá, uixi: Kuata ímbia ia mavu, u te-mu nganza imoxi ia maná, u i bhake bhu pholo ia Jihova, ia kulunda ku miji ioso katé ku hádia ni hádia.

Jisabhu 14:10

Ki kata miẋima ua muthu, muene ngó u kʼijiia; o ki u sanguluka ue, muthu bhu mbandu u tokoka ku di bunda mu kusanguluka kuê.

Jisabhu 3:32

Kuma Ngana ua di-zemba ni athu abhukumuka, maji o kikutu kiê u ki jituina athu oso aiuka muẋima.

Izaía 56:4

Mbata Jihova uambe: Jingolambole joso, jene kualuka jisabhalu jami, anga a tungula ioso ia ngi uabhela eme, nʼa tambulula kikutu kiami ni vondadi.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 62:2

Akua-jixi a kà mona kuiuka kué, o jingana joso a mona kijingo kié, anga a kà ku ixana dijina diòbhe, dia kà ku luka kuala o dikanu dia Jihova.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 65:15

Mua kà xisa o majina menu kuma dilebhu kua athuʼami ósole; Jihova Nzambi phe ua-nda ku mi jibha, anga jiselevende jê u a luka kiá dijina diengi.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Marku 7:16

Uoso uala ni matui ma kuívua, evue.]

Nzuá 4:32

Muène-phe, uixi: Eme ngala ni kúdia kuami, ki mu kuijiia.

I Kolindo 2:14

Kuma o muthu kia kala ngó mukutu ua xitu, ua kambe o Nzumbi ia Nzambi, ka tena kutambulula ima ia Nzumbi ia Nzambi, u tokoka ku i tongolola. Mbata phala muène i mu kala uoua, ka tena ku ijiia, mukonda ima i bhinga a i tongolola mu nzumbi.

Kolose 3:3

Kuma enu muafu kiá, muenhu uenu a u sueka ni Kristu kua Nzambi.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 3:22

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!

Dijingunuinu 3:6

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!