Dijingunuinu 2:14 - O Mikanda Ikola

¹⁴ Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 2:14 ပူးပေါင်းရင်းမြစ်များ

Izaía 57:14

Anga à kela: Sengululenu, sengululenu kikoka, iudikenu o njila; katulenu iẋinji mu njila ia mundu uami.

Jelemiia 6:21

Kala kiki Jihova uambe uixi: Mundu iú nga-nda ku a tela idibhukanu ku pholo, a-nda ku di bhukana-ku o jitata ni ana bhuamoxi; ni dikamba ni mukuá a tungu-nê a kà buikila bhuamoxi.

Izekiiele 3:20

Kiene ue kimoxi ni muthu ua iuka ki eha o kuiuka kuê anga u di-tela muengi, hé u bhanga kia iibha, anga eme ngi-ta ku pholo ie-muène kidibhukanu, muene ua kà fua muene; mukonda, o ki ua kambe eie o ku mu dimuna, muene ua kà fua mu kituxi kiê, o ima ioso ia kuiuka ia bhanga jinga ka kà i xinganeka dingi, maji o manhinga mê nga kà ebhula bhu lukuaku lué-eie.

Izekiiele 44:12

Mbata ene a a kexidile akunji bhu pholo ia mahamba mâ, a kitukile kidibhukanu kia Izalaiele mu kubhanga kiaiibha; kiene ue eme ki nga zengela o lukuaku luami ku thandu diâ, o ene-phe ue ia a-nda kuambata o kikuma kiâ ku thandu diâ, Jihova Nzambi ua ki tange.

Dialuilu 24:14

Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Dialuilu 31:16

Enʼiá-ze, ene a sendula anʼa Izalaiele, mu kaiula ka Balamu, mu kubhukumukina Jihova mu mulonga ua Peole, anga a bheka kibuika mu kilômbo kia Jihova.

Dialuilu 31:8

Jisobha ja Midiiane anga a ji jibhila kumoxi ni athu amukuá afu: ni Evi, ni Lekeme, ni Zule, ni Hule, ni Leba, jisobha jitanu ja Midiiane, ni Balamu dia Beola ue a mu jibha ni xibhata.

Matesu 18:7

Lamba dia mundu mukonda dia ifudisu i bhekela athu ku ngi xisa Eme! Ima iíi kia bhingi i bhita muene, maji uoso-phe u i bheka, lamba diê!

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Jipoxolo 21:25

Oso a xikana-phe ku matumbu, tua a sonekena kiá kioso ki tua a tetuluila kuma: Kadie jinge xitu ia iama iojibhe mu kilumbu kia sata ia iteka; kʼ a die jinge ue manhinga a kiama kioso-kioso, mba kudia xitu ia kiama kiokuenhe. Ka kale ue mu kubhanga undumbu.

Loma 11:9

Davidi ue uixi: A a kuatele mu jifesa jâ, a a tobhese; a di bhale, mbé a tambule kaxtiku!

Loma 14:13

Uila kiki, ki tu kuate-phe dingi ku di longolola mudietu. Inda mu di tetulula kiki, kana muthu u ta kidibhukanu mu njila ia phangʼ iê, mba kima ki mu di bhalesa mu kituxi.

Loma 14:21

Kima kiauabha o kukamba kudia xitu, mba kukamba kunua vinhu, mba kukamba kubhanga kima kioso-kioso ki bhangesa phangʼ iê kudibhala mu kituxi.

Loma 9:32

Mukonda diahi? Mukonda ka ki sotele mu kuxikana, maji ene a ki sota jinga mu ikalakalu iâ. Mu kiki ene a di bhukana ku Ditadi dia kidibhukanu,

I Kolindo 1:23

Maji etu-phe tuala mù kola Kristu, muthu ua fuila ku dikulusu, kia bhingi o Njimbu iê phala Jijudé kima kia a xitisa mu thulu phala ió ki Jijudé exi uoua.

I Kolindo 7:2

Mukonda-phe dia kuila sai-ku undumbu uavulu, inda kala diiala di kala ni muhatuʼê, kala muhatu u kala ni muadi uê.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

Josuué 24:9

Balaki-phe, monʼa Zipolo, sobha ia Mouabhe, uafundumuka ue, mu kúlua ita ni Izalaiele. Anga u tuma kukolomona Balamu, monʼa Beola, phala a mi bhubhidile ni mázui.

I Phetele 2:8

O bhua mukuá Mikanda Ikôla, iexi: Didi diene o ditadi dianda kubhangesa athu kudibhukana, o ndànji ianda ku a bhangesa o kudibhala. Ene a di bhukana, mukonda o maka ka ma xikana, kienʼiki kia a xindile o vondadi ia Nzambi.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

Dijingunuinu 2:4

Maji-phe nga ku êlesa kima kimoxi: Kuila o henda ié i uandekele na-iu ua i xi. Ku ngi zolo dingi kala ku dimatekenu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.