Dijingunuinu 19:8 - O Mikanda Ikola

⁸ Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 19:8 ပူးပေါင်းရင်းမြစ်များ

Jisálamu 132:9

Jinganga jé ji zuate kukumbidila ni kubatula mu kidi, o athu é angene a sanzuke ni kusanguluka.

Jisabhu 31:22

Muene u di tungila jithanga jê ja muhota; o izuatu iê, ia linho ia fina ni purpura.

Izaía 3:23

ni malumuenu, ni tu-mavunga tua linho ia makembu, ni matoka, ni jimvéu, ima ioso iii ibhuaku.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izekiiele 16:10

Eme nga ku zuika ni ima ia matunda, nga ku zuika jisabhatu ja kibha kia njimbu, nga ku kutu phonda ia linhu ia nzeta, mu mbunda, nga ku vungina muene ni seda.

Izekiiele 44:17

Anga kia kà kala-phe kiki, kuila kioso ene kia bokuena bhu mielu ia lumbu lua moxi, a kà zuata izuatu ia linhu; o lá ka kà i ta ku mikutu iâ, kioso ene kia kà kala mu kubhikila bhu mielu ia lumbu lua moxi, mʼoxiʼaʼnzu.

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Matesu 22:12

Anga u mu ambela, uixi: Kamba, eie ueza kiebhi mumu ua kambe o kizuatu kia ukaza? Muène-phe kia zuela ka ki mono.

Marku 9:3

O izuatu iê i benha ni kuzela kuavulu, kana musukudi mu ngongo u tena kuzelesa kiokio.

Luka 24:4

Bhenhobho-phe, ni kia kuxinganeka ka ki mono! O kioso kia bhuuama mukonda dia kienhiki, a tukumuka mala kiiadi emana bhu mbandu iâ, o izuatu iâ i benha.

Jipoxolo 1:10

Ene-phe hanji ki a kuata kutonginina bhulu, muène iu uia ni kubanda. Talesa! a tukumuka bhu mbandu iâ bhu emana malʼ aiadi, a zuata izuatu izela.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 15:6

Mu Tembulu anga mu tunda o sambuadi dia anju dienhodio, a kuata o sambuadi dia mabhebhu, a kembe ni linhu izela ia-lu benha, iá a di kutu ni phonda ja ulu mu thulu.

Dijingunuinu 19:14

O ifuẋi ia makuenze iene mu diulu, anga i mu kaiela, a mondala jikabalu jizela, a zuata linhu ia fina, iazele, iauabha kiambote.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.