Dijingunuinu 19:7 - O Mikanda Ikola

⁷ Tu tanienu, tu sanguluke kiavulu! Tu ximane o unéne uê! Kuma o kithangana kia ukaza ua Kambudi kieza-bhu, o dibhanga diê ua di polondala kiá!

Dijingunuinu 19:7 ပူးပေါင်းရင်းမြစ်များ

Jisálamu 107:42

Emana nzanza kia ki mona, a sanzuka ni ngalasa; maji o ku mbandu joso isuéia a a jika makanu.

Jisálamu 48:11

Kuma mulundu ua Ziione, a tane-ku! o jisanzala ja Juda, ji sanguluke! mukonda dia mabatuilu mé.

Jisálamu 9:14

Ua ngi vutula-phe phala ngi ku ximane kiavulu muene, bhu kanga dia mielu i monʼa kilumba Ziione, ngi tange kioso ki ua ngi bhulula, ngi ku ximane jinge ni kutana.

Jisabhu 29:2

Athu aiuka kia a zangeleka mu kutumina ixi, mundu u sanguluka; maji o kisuéia-phe kia tambula o kutumina ngongo, mundu u kumba!

Mukumbi ua Mikumbi 3:11

Tundenu, enu mu anʼa ilumba mu Ziione, mu tale Sobha Solomá ni kitundu kia mu tula ku mútue kuala mamʼâ, mu kizuua kia bhenga o dibhànga diê, mu kizuua kia kusanguluka kua muẋima uê.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Izaía 66:10

Tanenu kumoxi ni Jeluzaleme, sangulukilenu-nê bhuamoxi, oso kiá mua mu zola; izalenu ni kusanguluka mukonda diê, enu-oso mua kexe kudila-nê o jingololo;

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 1:20

Kia kexile hanji mu kubanza imʼiíi-phe, mukunji ua Ngana ua mu tukulukila ku nzoji, uixi: Zuze, monʼa Davidi, kukale ni uôma ua kutambula mukajiʼê Madiia. Mbata o mona a mu imita moxi diê, mona ua Nzumbi Ikôla.

Matesu 22:2

Utuminu ua diulu ua difangana ni sobha ia bhangele fesa ia ukaza ua monʼê.

Luka 12:36

Mu di fangana kala athu a kinga ngana iâ, kia vutuka ku fesa ia ukaza; phale o kieza, ni a bunde ku dibhitu, a mu jikuila lusolo.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Efezo 5:23

Kuma o ngana uala ni ukota ua kutumina ndona iê, mukuâ ni Kristu ki ala ni ukota ua kutumina o Ngeleja. Kristu muène o Mubhuludi ua Ngeleja, kuma uene o mukutu uê.

Efezo 5:32

Kijinganu kiki kia dikota kia tukulula o Mikanda ia Ngana. Maji nga mono kuila kia tokala Kristu ni Ngeleja.

Matendelelu 32:43

Enu ifuẋi, tanenu kumoxi ni mundu uê, mukonda Jihova ua-nda kuzokela jiselevende jê; o manhinga ma jiselevende jê muene u a tatela phonzo ku jinguma jâ. O jinguma jê muene u ji talesa hadi; anga oxi u i zelesa ku dibônzo mbe o mundu uê.

Filipe 3:3

Kuma o kusaia kua kidi, etu tuala na-ku, tu akua kubheza Ngana ni Nzumbi ia Nzambi, ki ene, kana! Kuma etu o kujinga kuetu kuala mu kudituma ni Kristu Jezú. Ki tu dielela kima ki bhanga athu ku kanga mu xitu.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 19:9

Bhenhobho anju anga u ngʼambela, uixi: Kiki soneka-kiu: Azediua oso a exana ku seialu ia ukaza ua Kambudi. Hé u kumuna dingi, uixi: Makʼama mene o maka ma kidi ma Nzambi.

Dijingunuinu 21:2

Anga eme, ngi Nzuá, ngi mona o Mbanza Iangene, Jeluzaleme iòbhe, iala mu tuluka ku diulu. Ia mu tunda kua Nzambi, ia di iudika kiambote, ia kembe mukuâ ni dibhanga dia kembela kuia mu kutakanesa ni muadi uê.

Dijingunuinu 21:9

Anga ku ngi sanga anju imoxi, ku sambuadi a kuatele sambuadi dia nganza jezala ni sambuadi dia mabhebhu ma sukidila-ku. Hé u ngi zuelesa, uixi: Izá kunu, eme ngi ku idikize o Dibhanga, Muhatuʼa Kambudi.

I Samuuele 2:1

Hana bhenhobho anga u samba, uixi: Muẋima uami ua tanena kua Jihova; pholo iami ia zangalala mua Jihova; dikanu diami u sanga dia kulu mu kuolela o jinguma jami; mukonda nga sangulukila mu kubhuluka ku tunda kokuê.