Dijingunuinu 19:18 - O Mikanda Ikola

¹⁸ Zenu mu die xitu ia jisobha, ni xitu ia makesongo a ita, ni xitu ia masoladi, ni xitu ia jikabalu ni ene a ji mondala, ni xitu ia athu oso, jifôlo ni abhika, jindenge ni makota!

Dijingunuinu 19:18 ပူးပေါင်းရင်းမြစ်များ

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 34:20

ngi ki tanga muene, kuila nga-nda ku a bhakula bhu maku ma jinguma, ni bhu maku ma iá a mu a sotela kalunga kâ, o imbi iâ ia kà kituka kúdia kua njila ja diulu ni iama ia mukáu.

Jelemiia 7:33

O imbi ia mundu iú ia kà di bhanga huta ia jinjila ja bhulu ni ia iama ia mukáu; u ji kaiesa ka moneka.

Izekiiele 29:5

Hé nga kà ku xisa mu kikangalakata, nʼeie ni jimbiji joso ja jingiji jé; ua kà sonokena ku mukáu; ki bhuà kala u ku bokuesa mba u ku bhongolola; ngà ku bhana ku iama iaʼxi ni ku jinjila ja diulu, u kale u luandu luâ.

Izekiiele 39:17

Eie-phe monʼa diiala, tata, o Jihova Nzambi uambe kiki, uixi: Tangela o jinjila ja ifua iosololo ni iama ioso muene ku mukáu, uixi: Di kasienu nda muize, ku jimbandu joso, izenu ku sata iami, i nga sate mukonda dienu, sata ia dikota mu milundu ia Izalaiele, nda mu-die xitu ni mu-nue manhinga.

Matesu 24:28

Bhuoso bhu kala o kisasu bhene bhu bhongoloka o jiholokoko.

Luka 17:37

Jixibulu ji mu kumbulula, exi: Imíʼii ia-nda kubhita kuebhi, Ngana? Muène ua ambela, uixi: Bhuoso bhuala o kimbi, bhene bhu bhongoloka o jiholokoko.

Matendelelu 28:26

Bhuoso bhu ua kà fuila o kimbi kié kikale kúdia kua jinjila ja diulu ni iama ia mukáu mungongo, ki bhua kàla muthu u ji sasumuisa.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 13:16

Anga u bhinjika ene oso, ni jindenge ni makota, ni jimvuama ni jingadiama, ni jifuôlo ni abhika, kuila ene oso a a te kidimbu ku lúkuaku lua dilu, mba bhu dibhomo.

Dijingunuinu 17:16

O kuinhi dia lumbinga di ua muene, ni kiama muène, a kà di zemba ni kidia-nzunga. Ene a kà mu sebulula, o ioso iala na-iu a kà mu katula-iu, hé u xala thuẋi-a-thakala. A kà mu dia xitu, a mu oha mu túbhia katé ua buila.

Dijingunuinu 19:5

Kienhókio, bhu kiandu anga bhu tunda dízui, dixi: Ximanenu Nzambi ietu! Mu ximanienu enu oso mu jiselevende jê, enu mua mu kuatela uôma, jindenge ni makota!

Dijingunuinu 6:15

Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.

I Samuuele 17:44

Mukua Fidíxia anga u ambela Davidi, uixi: Ngi bhiẋile bhabha, lelu xitu ié ngi i bhana jinjila ji bhita bhulu, ni iama ia mukau.

I Samuuele 17:46

Lelu muene Jihova ua-nda ku kubhakula bhu lukuaku luami; ngi ku nemeka, ngi ku batula mútue; o imbi-phe ia kifuẋi kia akua Fidíxia ngi i bhana lelu ku jinjila ji bhita bhulu ni iama ia mukáu, phala mu ngongo ioso a kʼiji-ie kuma sai-ku Nzambi mua Izalaiele.