Dijingunuinu 19:14 - O Mikanda Ikola

¹⁴ O ifuẋi ia makuenze iene mu diulu, anga i mu kaiela, a mondala jikabalu jizela, a zuata linhu ia fina, iazele, iauabha kiambote.

Dijingunuinu 19:14 ပူးပေါင်းရင်းမြစ်များ

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisabhu 31:22

Muene u di tungila jithanga jê ja muhota; o izuatu iê, ia linho ia fina ni purpura.

Izaía 3:23

ni malumuenu, ni tu-mavunga tua linho ia makembu, ni matoka, ni jimvéu, ima ioso iii ibhuaku.

Zakadiia 14:5

Enu-phe mua kà lengela mu dikôlo dia milundu iami, kuma o dikôlo dia milundu dia kàia katé ku Kazela; kidi-ze muene, enu mua kà lenga kala ki mua lengele o kitungutisu kiaʼxi mu izuua ia Uziiia, sobha ia Juda; kienhokio-phe Jihova Nzambi iami ua kèza, ni athuʼê a ngene oso a di zelesa, Jisandu a kèza kumoxi ni eie, Ngana.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 26:53

Inga mua fika ki ngi tena kubhinga Tata iami, muène nʼa ngi bhana kindala kienhiki kuinhi dia ibuka ni ʼiadi ia ji-anju?

Matesu 28:3

O kídifua kiê kala nzaji, ni izuatu iê kuzela mukuâ ni neve.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Dijingunuinu 14:20

O ji-uva anga a ji kamena mu ditangi ku mukáu ku kanga dia mbonge, o mukunguiji ua manhinga a tundu mu ditangi, hungulule iê kulebha iambata hâma jitatu ja kilómetulu, o kuzonga kuê métulu ni kaxaxe.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 3:4

Maji sai-phe ni athu u uala-nâ mu Salade, a kambe kukasanesa o izuatu iâ. Enhó hinu enda ni eme-muène mu izuatu izela, kuma kia a fuama.

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.