Dijingunuinu 19:12 - O Mikanda Ikola

¹² Mesu mê medi kala mulengu ua túbhia, o ku mútue uê ua zuata itundu iavulu. Sai-phe ni dijina diê dia mu soneka, kana-phe muthu ua dʼijiia, kikale muène ngó.

Dijingunuinu 19:12 ပူးပေါင်းရင်းမြစ်များ

Dimatekenu 32:29

Jakobo anga u mu ibhula, uixi: Ngi tangele ue dijina dié, nga ku diondo. Muene uixi-phe: Phalahi u ngʼibhula o dijina diami? Anga u mu bhana o dibesá bhenhobho.

Jisálamu 8:5

Sumbala kiene, maji ki ua mu bhanga, kifua ua bhabhelela kua Nzambi; ua mu zuika kitundu kia ukota ni ujitu.

Makatukilu 23:21

Di tumienu-nê kiambote, mu ivue dízui diê; kana ku mu xibhaka, kuma kà ẋikina ku mi loloka o kubhukumuka kuenu; mukonda o dijina diami diala mua muene.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Mukumbi ua Mikumbi 3:11

Tundenu, enu mu anʼa ilumba mu Ziione, mu tale Sobha Solomá ni kitundu kia mu tula ku mútue kuala mamʼâ, mu kizuua kia bhenga o dibhànga diê, mu kizuua kia kusanguluka kua muẋima uê.

Izaía 62:3

Ua-nda kukala-phe u kitundu kia ungana bhu lukuaku lua Jihova, u kala u kijinga kia uenexi bhu lukuaku lua Nzambi ié.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Daniiele 10:6

o mukutu uê uila kala turkeza, o pholo iê kala nzaji ki i telaka, mesu mê ma lekujuka kala jisama ja túbhia, o maku mê ni inama iê kala kidifua kia ngondo iolunge ni xitanho, ia a i seke, o dízui dia kuzuela kuê, mukuâ ni kilungutu kia mundu ua vulu.

Zakadiia 9:16

Bhu kizuuʼokio Jihova Nzambi iâ ua-nda kubhulula o mundu uê, mukua ni kilunga kia jimbudi jê; mbata ene mu ngongo a kà benha kala matadi a kitundu ala ku lekujuka mu ixi iê.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Nzuá 17:11

Eme ki ngala dingi mu ngongo, iá-phe ala hanji mu ngongo. Eme kindala ngiza ko kuê. Tata Ukôla! A bhake mu dijina dié, oso ua ngi bhana-nâ phala ene a kale umoxi, kala etu ki tuala mu umoxi, nʼeie, nʼeme.

Nzuá 17:12

Kioso ki nga kexile-nâ mu ngongo, nga a bhakele mu kutena kua dijina dié. Nga engi, oso ua ngi bhana-nâ, ki bhu texika muthu, kikale iuná ngó o kilalu kia mona, ua texika-bhu, mu kubhitisa o maka mòsoneke mu Mikanda Ikôla.

Efezo 1:21

O kiki Kristu muene ualù tumina o mautuminu oso mu madimbinza, ni atumini oso, ni nguzu joso ni makutena oso. Muène a mu zangeleka ku thandu dia mautuminu oso ala ku mundu iú, ni ku mundu uà kʼ eza-ku.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.

Dijingunuinu 1:14

O kindemba kiê ku mútue kiala jimvi, o kuzela kuê mukuâ ni kindemba kia mbudi, mba mukuâ ni neve. O mesu mê ma lekujuka kala mulengu ua túbhia.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 6:2

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?