Dijingunuinu 18:9 - O Mikanda Ikola

⁹ O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.

Dijingunuinu 18:9 ပူးပေါင်းရင်းမြစ်များ

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Jisálamu 58:10

Uaiuka-phe hinu u ki sakidila, kia mona o kaxtiku kâ; hé u sukula o inama iê mu manhinga ma isuéia.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Jelemiia 50:46

Ixi ia teketa ku kinuminu kia Babilonha kioso kia mu tolola; o kudikola kuê a kuʼivu mu kaxi ka miji ioso.

Jelemiia 51:8

Maji mu kithangana kimoxi, Babilonha ua di bhale iú ua senguluka; mu didienu, mu kuate maji ma dizumba mbé o misusu iê, sumba u di sanza.

Izekiiele 27:35

Ene oso a tunga mu ikolo a kakuka mukonda dié-eie; o jisobha jâ a teketa kinéne, katé uoma ua di monekena ku jipholo jâ.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

I Timote 5:11

Maji ahatu oso-phe kiluua a kuka, eie kana ku a soneka, ditune-nâ; mukonda kioso kia-nda ku a kuata o jihânji jâ, hé a mesena kukazala, a kala ni usudi ua Kristu anga a mu ambudisa.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Dijingunuinu 18:18

Anga a di kola, kia talesa o dixi diê mu kúbhia, exi: Mbanza ia dikota, tata! Ki i moneka luiadi!

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!

Dijingunuinu 19:3

Anga ela lua kaiadi, exi: Ximanenu Nzambi! O dixi dia kuuama kua mbanzʼoio ia dikota, dià kala mu banda katé ku hàdia ni hàdia!

Dijingunuinu 2:22

Talesa, ngi mu takuila bhu hama, kumoxi ni oso a ta-nê jiphanda, anga aia mu hadi iavulu! Ngi ki bhanga muene kindala, se a kamba kudiela o imbamba iâ ia bhange-nê.