Dijingunuinu 18:23 - O Mikanda Ikola

²³ Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 18:23 ပူးပေါင်းရင်းမြစ်များ

II Jisobha 9:22

Anga ki bhita, kiki: Kioso sobha Jolá kia mono Jehu, u mu ibhula uixi: Kuma kua tululuké, Jehu? Muene-phe, uixi: Kutululuka kuahi, se o undumbu ua mamʼenu Jezabele hanji ua jiji kiki ni mauanga mê ma vulu?

Jobe 21:17

Lukuxi kia mu bhita kuila o mukengeji ua isuéia u jima? Mba kibuika ki a tukumuisa? Mba-phe o Nzambi mu njinda iê u a uanena misusu?

Jisabhu 24:20

Mbata o muthu ua bhumu, ka kà mona futu ia kima; o muanga ua akua phulu, ua kà jima.

Izaía 23:8

Mukuahi muene ua funha kima kala kiki, phala ku balukila Tilu, o mbanza iòzuike kitundu? Ua bhingi jingenji jê ngó ilamba, anga akuakufuna a kala makota ku ungana uaʼxi?

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Jelemiia 16:9

Mbata Jihova dia Ilombo Ieta, uambe kiki: O Nzambi ia Izalaiele, uixi: Talenu mu izuua ienu muenhumu, nga-nda ku bhuisa-ku, bhu kididi bhabha, o dízue dia kutana ni dia kutonoka, ni dízui dia ngaiala ni dia dibhanga, ku mesu menu.

Jelemiia 25:10

O nzongo ia kutonoka, ni nzongo ia kusanguluka ni nzongo ia mabhanga, ni kilungutu kia matadi a ku huhila ni mukengeji ua kandeia, nga-nda ku i fuisa-mu, mu kaxi kâ.

Jelemiia 7:34

Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.

Nahumu 3:4

Ima iosuʼiii mukonda dia kuvula kua ituxi ia Kidianzunga kia uabha o pholo, ua di bhanga mesene ia uloji, ua nganala jinga mundu ni undumbu uê, iu ua tobhesa jinga o miji ni uanga uê.

Jipoxolo 8:11

Ene oso a mu tambulula jinga, mukonda uandeka ukulu ni ku a diuanesa ni iphata iê.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.

Dijingunuinu 18:22

O dízui dia axiki a jimbànza, ni akua mújika, ni axiki a jimbèndu, ni akua jikoloneta, momué nuka dingi a kà dʼívua-mu! Nuka dingi momué mu kala mesene ia ufunu uoso-uoso! Nuka évua-mu ue dingi o kulunguta kua matadi a kuhuhila!

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:9

O jisobha mu ngongo, joso ja bhangele-nê undumbu, ende-nê mu ukumbu, a-ndu dila jingololo, kia kà talesa o dixi diê mu kùbhia.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 6:15

Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.