Dijingunuinu 18:21 - O Mikanda Ikola

²¹ Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!

Dijingunuinu 18:21 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 20:8

Ua kà tuka, mukuâ ni nzoji, ka kà mu mona dingi; a kà mu lengesa kala kisukila kia usuku.

Jisálamu 37:36

Maji, mu kubhita-bhu dingi, ki ngi mu sange-bhu; nga mu soto hanji, maji uendelela.

Makatukilu 15:5

Mabhuku ma a bhiti ku thandu; a boba muʼ alunga ka zongo mukuâ ni ditadi.

Izekiiele 26:21

Eie-phe nga-nda kuà ku bhanga kima ki di uanesa kinéne, mukonda kua kà moneka dingi, katé kiá ku hádia ni hádia, né a ku sota, kua kà moneka dingi, Jihova Nzambi ua ki tange.

Daniiele 11:19

Anga ua kà lunga kiá pholo ku jimbonge ja oxi iê-muène, bhuene bhua kà di-bhukanena, anga u di bhana kibhalu, muthu hé uendelela muene, nuka dingi a moneka.

Dijingunuinu 10:1

Anga ngi mona anju iamukuá ia dizonda, uala mu tuluka ku diulu. Ua zuata dituta, o ku thanduʼa mutue uê kua bhiti hongolo. O pholo iê iedi kala dikumbi, o inama iê mukuâ ni jiphiladi ja túbhia.

Dijingunuinu 12:8

Enhá-phe a tokoka-ku! Ni muène ni ji-anju jê, mu diulu ka mono-mo dingi kididi.

Dijingunuinu 16:20

Ikolo ioso anga i muangana, o milundu ioso ia jimuka, ki ia moneka dingi ku mesu.

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Dijingunuinu 18:22

O dízui dia axiki a jimbànza, ni akua mújika, ni axiki a jimbèndu, ni akua jikoloneta, momué nuka dingi a kà dʼívua-mu! Nuka dingi momué mu kala mesene ia ufunu uoso-uoso! Nuka évua-mu ue dingi o kulunguta kua matadi a kuhuhila!

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 5:2

Anga ngi mona anju ia dizonda, ua handekela ni dízui dia suina, uixi: Ua fuama kubula o idimbuʼíii nanhi, ni kujikula o divulu didi?