Dijingunuinu 18:19 - O Mikanda Ikola

¹⁹ Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!

Dijingunuinu 18:19 ပူးပေါင်းရင်းမြစ်များ

II Samuuele 13:19

Tamala anga u di ta utoka mu mútue, u tandujula kizuatu kiê kialebha maku, u ta maku mê mu mútue, hé u bhita mu luua ni kudila ni kudikola.

Nehemiia 9:1

Anga anʼa Izalaiele a di bhongolola mu kizuua kia makuinhi aiadi nʼiuana ni kujila ni makuba ma zuata, ni mavu ma di takela mu mítue.

Jobe 2:12

Ene kia zambula mesu mu kanga phala ku mu tala, ia a mono kuma a lémbua ku mu ijiia, a te jingololo ni kudila. Bhenhobho kala muthu u tandula thanga iê hé u di takuila fufuta mu mútue, bhulu.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Izekiiele 27:30

Hé o dízui diâ a kà dʼivua muene, mu ku ku dila eie ni dijikijiki; anga a kà di takela fufuta mu mítue iâ, a kà di mbolomuena muene mu uthôka.

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Dijingunuinu 17:16

O kuinhi dia lumbinga di ua muene, ni kiama muène, a kà di zemba ni kidia-nzunga. Ene a kà mu sebulula, o ioso iala na-iu a kà mu katula-iu, hé u xala thuẋi-a-thakala. A kà mu dia xitu, a mu oha mu túbhia katé ua buila.

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:8

Kienhiki, mu kumbi dimoxi, kua-nda ku mu tulukila o kingûmba kiê kia mabhebhu: Makukata, misusu ni nzala! A kà mu oha mu túbhua katé ua buila. Kuma o Ngana Nzambi, ua mu mu fundisa, ua suina.

I Samuuele 4:12

Anga bhu kala diiala mukua muiji ua Bejamí, ua tundu ku ita, u bhixila ku Silo kizuua kienhokio, izuatu iê ua i tandujula, ua di te mavu mu mútue.