Dijingunuinu 18:15 - O Mikanda Ikola

¹⁵ O jingenji ja kexile kufuna imʼiii mu mbanzʼoio, ua kexile ku a muesa itadi, a kèmanena mu kanga, mukonda dia uôma ua kutata kuê, ni kudila jingololo.

Dijingunuinu 18:15 ပူးပေါင်းရင်းမြစ်များ

Izekiiele 27:31

Hé a kà di ta mabhaia mu mítue mukonda dié-eie, anga a kà di kuta idinhaji bhu inhonga, a kà ku dila muene eie ni lamba dia muenhu uâ, a kà dila muene lujiji.

Zakadiia 11:5

Mbata oso ene ku ji sumba, aia ni ku ji jibha; ki bhuala muthu u a ebhula kuma oso ala mu ku ji sumbisa a mu kuila exi: Nzambi a tane-ku, mukonda eme nga kituka kiá ngi mvuama! o abidi ue kene ngó ku ji kuatela henda.

Marku 11:17

Muene anga u kala mu kulonga enhoso, uixi: Ka ki soneka mu Mikanda Ikola kia tange Nzambi kuma: Inzo, iami, a ixana inzo ia kusambela, ia akua jixi joso? Enu-phe mua i kitula ngenda ia kusuamena míii!

Jipoxolo 16:19

Jingana jê-phe, kia mono kuma o nganhu iâ ia dielela ia di boto, a kuata Phaulu ni Sila, aia ni ku a sunga-sunga katé bhu kitanda, bhu pholo ia afundixi.

Dijingunuinu 18:12

Kana muthu u sumba o mauenji mâ ma ulu, ni phalata, ni madiiamande, ni jiphélula, ni linhu ia fina, ni izuatu iòteke ni husu, ni seda, ni thanga ja kusuka ja kindemba kia mbudi, ni mixi iauabha dizumba, ni ima ioso ia mazu a nzamba, ni ima ioso ia mixi ia te kiavulu, ni ia ngôndo, ni ia felu, ni ia tadi dia mamola;

Dijingunuinu 18:13

mba ngó kusumba kanela, ni thembala, ni fufutila ia dizumba, ni nguèndu, ni mubafu, ni vinhu, ni maji, ni fuba, ni tiliku, ni jingombe, ni jimbudi, ni jikabalu, ni makalu, ni abhika, mba ngó mienhu ia athu.

Dijingunuinu 18:14

O asumbi ni asumbixi, a kʼambela o mbanza, exi: Eie mbanza ia kime, o ima ioso iambote i ua semene ku muẋima ué, ua i tokoka! O ima ié ia disèse, ia kukemba, ia buila, ki ia moneka dingi! O iene ue ki mungu dingi ua-nda ku i mona!

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!