Dijingunuinu 18:14 - O Mikanda Ikola

¹⁴ O asumbi ni asumbixi, a kʼambela o mbanza, exi: Eie mbanza ia kime, o ima ioso iambote i ua semene ku muẋima ué, ua i tokoka! O ima ié ia disèse, ia kukemba, ia buila, ki ia moneka dingi! O iene ue ki mungu dingi ua-nda ku i mona!

Dijingunuinu 18:14 ပူးပေါင်းရင်းမြစ်များ

Jisálamu 106:14

A kala ni luimbi luavulu mu kikangalakata, Nzambi a mu kuatesa phata mu ixi ia kisékele.

Jisálamu 78:18

Nzambi a mu lokalala mu mixima iâ, a bhinga kúdia kua jivondadi ja ene.

Dialuilu 11:34

Kididi kienhókio anga a kʼixana Kiboloto-hatava, mukonda bhene bhua fundu akua uilu uavulu.

Dialuilu 11:4

Mbutu ia iá ahuku a di lungu mu kifuẋi anga a kala ni uilu uavulu; ni anʼa Izalaiele ene a kala mu dila, exi: Nanhi u tu bhana xitu ia kúdia?

Matesu 11:8

Ihi-phe i muele kulonda? Diiala dia zuata izuatu ia matunda? Talesa, a zuata izuatu ia matunda a kala mu jimbanza ja jisobha.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

I Kolindo 10:6

Ima ioso iii ia bhiti mu kukala ijimbuete ietu, phala ki tu kuate jihanji ja ima iaiibha, uila ene kia ji kuatele,

Tiiaku 4:2

Enu mua Seme ima, maji mukonda ki mua i mono, muala polondo ia kujibha phala mu kale na-iu. Mua kuata luimbi, maji kuma i muandalele mua i lémbua, mua zoko, mua lu ita, maji mua tokoka-ku! O ioso i mua bhindamena mu kamba ku i mona, mukonda mua kambe kubhinga kua Nzambi.

Dijingunuinu 18:13

mba ngó kusumba kanela, ni thembala, ni fufutila ia dizumba, ni nguèndu, ni mubafu, ni vinhu, ni maji, ni fuba, ni tiliku, ni jingombe, ni jimbudi, ni jikabalu, ni makalu, ni abhika, mba ngó mienhu ia athu.

Dijingunuinu 18:15

O jingenji ja kexile kufuna imʼiii mu mbanzʼoio, ua kexile ku a muesa itadi, a kèmanena mu kanga, mukonda dia uôma ua kutata kuê, ni kudila jingololo.