Dijingunuinu 18:13 - O Mikanda Ikola

¹³ mba ngó kusumba kanela, ni thembala, ni fufutila ia dizumba, ni nguèndu, ni mubafu, ni vinhu, ni maji, ni fuba, ni tiliku, ni jingombe, ni jimbudi, ni jikabalu, ni makalu, ni abhika, mba ngó mienhu ia athu.

Dijingunuinu 18:13 ပူးပေါင်းရင်းမြစ်များ

I Jisobha 10:10

Anga u bhana kua sobha hama ni makuinhʼaiadi a talendu ja ulu, ni ndumba dia ima ia mazumba ia kutoua, ni matadiʼa te kiavulu. Nuka kuejile ima ia mazumba ia kutoua ia ndumba, kala ia bhele Na Mvale ia Sabá kua sobha Solomá.

I Jisobha 10:15

ku thandu dia ulu iú, kua di ta jinga dingi o ulu ua akua kufuna, ni ua kusumba ni akua kuzunza, ni ua jisobha joso ja Alábia, ni ua jinguvulu ja ixi ieneʼoio.

I Jisobha 10:25

Anga athu oso a kuata ku mu bhekela muthu ni muthu ni ujitu uê ua itutu ia phalata ni itutu ia ulu, ni izuatu, ni ibhakatu, ni ima ia mazumba ia kutoua, ni jikabalu ni jimula. Anga a kuata kubhanga kienhiki muvu ni muvu.

I Malunda 5:21

Anga a ambata o ibhaku iâ; o jikamelu jâ ja tena makuinhi a tanu a midi, ni hama jiiadi ja midi ni makuinhi a tanu a jimbudi, ni midi jiiadi ja jibhulu, ni hama ia midi ia mienhu ia athu.

II Malunda 9:9

Anga u bhana kua sobha hama ni makuinhi aiadi a jitalendu ja ulu, ni ima iate kiavulu ua i bhana ni kusukumuna kuoso, ni jiphelu ja nzaji; o ima iate kiavulu, ia bhana sobha ia Saba, ia muhatu, kua sobha Solomá, ima kiluua a i muene kala ioio.

Nehemiia 5:8

Anga ngʼa tangela, ngixi: Abha etu tua kula kiá o phange jetu, akua Juda, a a sumbisile ku matumbu, muthu ua bhana bhuoso bhua kuatela; o kiki enu phange jenu mu a sumbisa dingi lua kaiadi, mbé etu ni tua a kula dingi lua mukuá? Ene exi ni ene húdi, kia kuvutula a ki lémbua.

Makatukilu 21:16

Uoso u nhana muthu hé u mu sumbisa, mba a mu kuata-nê bhu maku, a mu jibhe sè kufula.

Jisabhu 7:17

Hama ioso muene eme nga i sangela ni uasu ua dizumba, ni uxila, ni kanela.

Mukumbi ua Mikumbi 1:3

Mu ku nuha kiambote, o maji mé ala kota mu ku uabha; o dijina dié, mukuá ni maji ma dizumba mala ku lunduluka; anʼa ilumba kiene kia ku zolela.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Mukumbi ua Mikumbi 5:5

Anga ngi balumuka mu ku jikuila kazola kami; kienhokio maku mami ma kala mu zunzumuka uasu ua sumuna, o milembu iami iezalesa uasu uambote ua sumuna ku jisabhi ja dibhitu.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Izekiiele 27:13

Ni Javane ni Tubale ni Meseke, ene o ngenji jé; ni mienhu ia athu ni itutu ia ngòndo, uene o uenjʼú ua-ta jinga nʼeie.

Amoji 2:6

Jihova uambe kiki: Izalaiele kia tondala lutatu ni luuana, kibetu kiê ki ngi mu katula-kiu; mukonda muene muthu uambote u mu sumbisa mu mulambôngo; o ngadiama ua bhindama, u mu sumbisa mu phadi ia jisabhatu.

Amoji 6:6

O vinhu mu i nuina mu jikopho ja makota; o mu ku di uaia kuenu ki kale ngó ni maji a te kitadi kiavulu; maji mua lémbua ku kala ni dilamba dia kusenguluka kua Zuze!

Amoji 8:6

Mbé jingadiama tu a sumbe mu kitadi, o jiphindàme, tu a sumbe ngó mu phadi ia jisandádia. O tiliku ietu ue tu i sumbisa muene katé ni ibhiaẋi iê.

Matendelelu 24:7

Se bhu kala muthu unhana muthu ni mukuá, ku phange jê anʼa Izalaiele, phala ku mu bhanga mubhikʼê mba u mu ta uenji, hé u mu sumbisa, muii u kala kiki afue muene. Kifua phekalu ia ufusa muʼaxaxi kenu mua i bhuisa-mu.

Matendelelu 28:68

Jihova ua kà mi bhangesa ku vutukila dingi ku Ijitu mu jinaviiu, ku njila iene ia kuambelele kiá, kuila: Njila iii ki mungu dingi u i kengelela. Kuenhoko-phe mua kà di bhakula ku jinguma jenu, muexi: Tu sumbienu phala tu kale tu abhikʼenu a mala ni abhikʼenu a ahetu, maji muthu ua kà mi sumba ka kà moneka.

I Timote 1:10

ifusa, jihabhu, ió a bhanga isunji ni mala ni akuâ, akua kusumbisa abhika, atangi a makutu, akua kutatela umbangi ua makutu, ni oso dingi a bhanga ima ia kambe o kudilunga ni ulongelu ua kidi.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

Dijingunuinu 18:14

O asumbi ni asumbixi, a kʼambela o mbanza, exi: Eie mbanza ia kime, o ima ioso iambote i ua semene ku muẋima ué, ua i tokoka! O ima ié ia disèse, ia kukemba, ia buila, ki ia moneka dingi! O iene ue ki mungu dingi ua-nda ku i mona!

Dijingunuinu 18:15

O jingenji ja kexile kufuna imʼiii mu mbanzʼoio, ua kexile ku a muesa itadi, a kèmanena mu kanga, mukonda dia uôma ua kutata kuê, ni kudila jingololo.