Dijingunuinu 17:18 - O Mikanda Ikola

¹⁸ O muhatu ua mu monuʼó, o mbanza ia dikotʼoio ia mu tumina o jisobha joso mu ngongo.

Dijingunuinu 17:18 ပူးပေါင်းရင်းမြစ်များ

Daniiele 7:23

Muene anga uamba kiki: Kiama kia kauana kiokio uene o utuminu ua kauana ua-nda kukala mu ngongo, uanda ku di-tungula ku ma-utuminu mamukuâ; uene ua kà minha oxi ioso, oxi ioso ua kâ i titidila muene ni inama iê, anga u i bhanga isasu-isasu.

Luka 2:1

Mu Izuua iná anga ku tunda ngonge kua Sézalu Nguxi, ia kusoneka athu oso mu ngongo.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!