Dijingunuinu 17:15 - O Mikanda Ikola

¹⁵ Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.

Dijingunuinu 17:15 ပူးပေါင်းရင်းမြစ်များ

Jisálamu 18:4

Mabhuku a kalunga a-lu sota ku ngi bobesa, masenza ma kubhuma mambe ku ngi kungulula.

Jisálamu 65:7

Ua tena kubateka o kuzuma kua kalunga, o kuzuma kua mabhuku, ni ibulukutu ia ifuẋi kʼejiia Nzambi.

Jelemiia 47:2

Jihova, uambe, kiki: Tala o menha a tunda kusuku a-ndo balumuka anga a di bhanga kihungulule ki subhajaka, anga a kʼèzalesa ixi ioso muene ni uvimba uê, ni mbonge ni oso a tungu momo; athu a kà di kola-kola, ene oso a tungu mu ngongo a kà dila jingololo.

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 51:42

O musanza ua kalunga ua bande ku thandu dia Babilonha, ndumba ia mabhuku ma kalunga ia mu vungina.

Jelemiia 51:55

mukonda Jihova ua jimisa Babilonha, ua-nda kubhangesa kuila momuê dízui dia dikota di jima-mu ue; anga o mabhuku mé ma kà zuma kala kilungutu kia menha ma vulu; o kinuminu kia dízui diê a-nda ku kʼivua muene.

Izekiiele 31:4

O menha ene a mu bhangesa o kukula, o kidikungu kiene kia mu zangeleka; o hungulule jê ja kexile mu ku kunguluka mu jimbandu ja ixina iê, o muene iú ua tumikisa jinga o tungiji ku miẋi ioso ia mukáu.

Dijingunuinu 10:11

Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.

Dijingunuinu 11:9

Athu a tundu ku madiembu moso, ni miji ioso, ni madimi moso, ni ifuẋi ioso, a kala mú talesa ngó o imbi iâ mu izuua itatu ni kaxaxe, kehela ku i funda mu mbila.

Dijingunuinu 17:1

Anga kuiza anju imoxi, ku sambuadi dia kuatele o sambuadi dia nganza, hé u ngi zuelesa, uixi: Iza kunu, ngi ku idikize kioso kia-nda kubhana o kaxtiku kua kidia-nzunga kia dikotʼokio, o mbanza ioio iòtunge bhu mbanduʼ a ngiji javulu.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.