Dijingunuinu 17:14 - O Mikanda Ikola

¹⁴ Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 17:14 ပူးပေါင်းရင်းမြစ်များ

Jisálamu 110:5

Ngana ua ku imanena ku mbandu ié ia madilu, muene u kuama o jisobha, bhu kizuua kia njinda iê,

Jelemiia 1:15

Kuma talesaze, eme ngi kasa madiembu ma jimbanza joso ku suku, eme jihova; ene a-nda kuiza mbanza ni mbanza i tula kiandu kiê bhu muelu ua mabhitu ma Jeluzaleme, o imbaka iê a i kondoloka muene, ni jimbonge joso ja Juda a ji bilukila.

Jelemiia 1:19

Ene-phe a-nda ku bhangela ku ku lua, maji katena ku ku tolola eie; mbata eme ngala ni eie bhuamoxi, phala ku ku kudila, Eme ngi Jihova.

Jelemiia 50:44

Talesa, umoxi uila kala hoji, uanda kubanda ni hungulule ia Njolodá, uendela dibhata dia dizonda, maji muʼanzanzʼumu nga-nda ku mu kaiesa-bhu; uoso nga mu solo eme muene ngi mu ta-bhu mu kuzoka-nê; mbata nanhi ua di fu nʼEme? Nanhi muene u ngʼixana eme mu kufunda? Nanhi muene o mubidi u tena kuimana bhu pholo iami?

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 7:21

O ki nga kuata kukengelela, ngi mona-phe kuma kalumbinga kenhaka ka kuata kúlua ita ni athuʼê angene akôla a Nzambi, hé uia ni ku a tolola.

Zakadiia 2:8

Mukonda o Jihova dia Ifuẋi, uambe kiki: Phala muene a tambule o fuma, ua ngi tumikisa kua akua jixi a mi bhundu imbamba ienu; mukonda uoso u mi kuata enu, ua kuata mu mona uê-muène ua diesu.

Matesu 22:14

Mbata avulu a exana; atolo a a tungula.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 15:16

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Loma 1:6

O mu ʼaxaxe kâ ni enu uenu mua tungu mu Loma, muene mu muala, kuma a mʼ ixana ue kuala Nzambi mu kukala mu akua Jezú Kristu.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Kolindo 15:24

Kiene kiua kià kèza o dizubhilu. Kristu hinu ua kà zubha-ku o mautuminu oso a nzumbi, ni maungana moso, ni nguzu joso, hé ungana uoso ua kà u bhakuila Nzambi, muène Tata.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

I Timote 6:15

Mukonda Nzambi bhu thembu iê ioso ia mono, ua kà bhitisa imʼiii, Nzambi mukua mbote, muène ubheka uê, Diama, Sobha ia jisobha, Ngana ia jingana.

II Timote 2:4

Kana muthu uaii mu usoladi u landukila dingi maunji a bhata, phala a tene kuuabhela kumandande ió uoso ua mu sendalesa o usoladi.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 11:7

Kioso-phe o mbangi jiiadʼiji ki ja kà zubha kutanga o njimbu iâ, o kiama hinu ki tunda mu dikungu ki di moneka hole, ki lua-nâ ita, hé ki a tolola, ki a jibha.

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.