Dijingunuinu 17:12 - O Mikanda Ikola

¹² O kuinhi dia lumbinga di ua monuʼodio, o kuinhi dia sobha kiluua a tambula o usobha uâ, maji a-nda ku a bhana-phe kutumina kala jisobha, mu ola imoxi, kumoxi ni kiama.

Dijingunuinu 17:12 ပူးပေါင်းရင်းမြစ်များ

Daniiele 7:20

Kua di-te dingi o kuinhi dia lumbinga ja mu kala mu mútue, ni kalumbinga kamukuâ ka fuafue, anga bhu pholo iê bhu vumbuka mbinga jitatu, o kene anga kakala ni mesu, hé kakala ni dikanu di tanga ima ia izala, kifua muene ua tundu akuâ.

Daniiele 7:24

O kuinhi dia lumbinga-phe diodio, kifua mu utuminu umoxi uenhó mua ka balumuka kuinhi dia jisobha; maji o kia kà zubha kubalumuka, kua kà balumuka dingi mukuâ; o muenhú ua kà di tungula mu akuâ oso a diangele, o muene ua kà tolola-bhu jisobha jitatu.

Dijingunuinu 10:11

Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 17:16

O kuinhi dia lumbinga di ua muene, ni kiama muène, a kà di zemba ni kidia-nzunga. Ene a kà mu sebulula, o ioso iala na-iu a kà mu katula-iu, hé u xala thuẋi-a-thakala. A kà mu dia xitu, a mu oha mu túbhia katé ua buila.

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Dijingunuinu 18:17

Mu kumbi dimoxi, jimbongo josuʼiji ja di boto, tata! Jikabhitangu joso ja jinaviiu, ni athu oso endela ku menha, ni akalakadi mu jinaviiu, ni akua kufuna uenji uâ ku musanza ua kalunga, a suka ngó mu kanga!

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!