Dijingunuinu 16:6 - O Mikanda Ikola

⁶ Kuma ene a lundulula jinga manhinga ma akua-Ngana ni ma jipolofeta, eie-phe ue ua a bhana manhinga phala kùnua. Mukonda a-lu tambula kioso kia a fuama!

Dijingunuinu 16:6 ပူးပေါင်းရင်းမြစ်များ

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Makatukilu 21:24

diesu mu diesu, dizu mu dizu, lukualu mu lukuaku, kinama mu kinama,

Makatukilu 7:17

Jihova uambe kiki: Bhene bhu ua-nda ku ngʼijidila kuma eme Jihova; bheniabha-phe, mbangala i nga kuatʼiii nga-nda kubeta na-iu ku menha ala mu honga, ene-phe a-ndu kituka manhinga.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 26:11

Bhenhobho jinganga ni jipolofeta a tangela adiakime a Juda ni mundu uoso, exi: Muthu iú, muedi ua kúfua, mukonda enuʼenu mua dʼivila-kiu ni mátui menu kioso muene kia zambula o mbungula ku mbonge iii.

Jelemiia 26:16

Bhenhobho-phe, adiakime, ni kifuxi kioso, ambela jinganga, ni jipolofeta, exi: Muthu iú ki muedi ua kalunga, kuma mu dijina dia Jihova, Nzambi ietu muene-muène mua tu zuelela.

Kuditenda 4:13

Kima kiki kieza mukonda dia ituxi ia misesedi, ni phulu ia jinganga, a ẋiamuine o manhinga ma athu aiuka, a ma ẋiamuina muene mu kaxi ka Jeluzaleme.

Izekiiele 32:6

O ixi i ua mu kuenda ni kuzouela nga-nda ku i betesa ni mahaxi mé, katé ni ku milundu; o jihungulule anga ja kʼezala ni manhinga mé-èie.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Luka 12:48

Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Dijingunuinu 13:15

O kiama kia kaiadi kienhiki, anga a mu bhana o kutena kua kuila o kitèka kia kiama kia dianga u ki bhana kubhuima, anga kitèka kia kiama ki zuela hé ki kala ni kutena ue kua kujibha oso a di tunu ku ki bheza.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:24

Babilónia ia dikotʼoio, a mu bhana o kaxtiku kê, mukonda mua muène a sange-mu o manhinga ma jipolofeta, ni manhinga ma akua-Ngana, xi, o manhinga ma athu oso a a jibha jinga mu ngongo.

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.