Dijingunuinu 16:16 - O Mikanda Ikola

¹⁶ Kienhókio o jinzumbi jaiibha anga ji bongoluela o jisobha bhu kididi a kʼixana mu mbimbi ia Hebeleu exi Alumajedone.

Dijingunuinu 16:16 ပူးပေါင်းရင်းမြစ်များ

II Malunda 35:22

Maji-phe o Joziia ua di tunu o kuvutuka kuema ni ku mu bhana dikunda, inda ua di sueka ni kudimbikiza muene, phala kúlua-nê; iú ua fulu o ku bhana mátui ku kizuelu kia Neku, kia tundu ku dikanu dia Jihova; anga uiza muene mu honga ia dikôlo dia Mejidu mu kúlua-nê.

Zakadiia 12:11

Bhu kumbiʼodio, mu Jeluzaleme mua kà kala ngololo ia dikota, kala kudila kua Hadademono mu dikôlo dia Mejidu.

Nzuá 19:13

Pilatu kievu kiki, u tundisa Jezú bhu kanga, anga u xikama ku kialu kia kufundisila, bhu kididi a kʼixana exi Luua ia matadi, (o mu dimi dia Hebeleu, exi Ngabata.)

Nzuá 19:17

Bhenhobho Jezú, anga u tunda, muène uambata o dikulusu diê. Enda, anga a bhixila bhu kididi a kʼ ixana bhu Kibolongonho, (o mu Hebeleu, exi: Ngolongota.)

Nzuá 5:2

Mu Jeluzaleme-phe, bhu mbandu ia Dibhitu dia Jimbudi, bhuala dizanga, a dʼixana mu dimi dia Hebeleu, exi: Betesda mba Betezata. Dizanga dienhidi a di tungila itelembe itanu ia kubokuena.

Jipoxolo 26:14

Etu oso ki tua zubha o ku di bhala bhoxi, ngevu dizui dia ngʼambela mu uzuelelu ua Hebeleu, dixi: Saulu, Saulu! Eme ualu ngi zukutixila-hi? Eie, ni kuthathamana kuosʼ uku, ualu di kuamʼé ngó eʼmuene, mukua ni ngombe ki i ṗhuṗha isende ku jisongo.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 9:11

O sobha iâ, aia-nê mu ku a tumina, muène o anjo ia dikungu ki di moneka hole. Muenhú, o ʼjina diê mu Hebeleu a mu ila Abadoni, o mu Ngelèku exi Apoliioni. (Kifua-phe ambe exi muène Nguma-Ngonga-Kihuènde; Na Zanga-Ioso).

Afundixi 4:7

Eme-phe ngi bhangesa kuila Xixela, kabhitangu ka kifuẋi kia Jabine, ni makalu-mê ni mundu uê, ngʼa bheka mu honga ia Kixone, hé ngi mu bhakula bhu lukuaku lué.

Afundixi 5:19

Jisobha bhenhobho ji tula mu kubhânga a bhângela bhenhobho, jisobha ja Kanana, a bhángela bhu Taanake, bhu ménha a Mejidu, bhua tundu-phe kubhanduluka kuahi? Ka bhundu-bhu kitadi kia phalata mba ulu.