Dijingunuinu 16:14 - O Mikanda Ikola

¹⁴ Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 16:14 ပူးပေါင်းရင်းမြစ်များ

I Jisobha 22:6

Bhenhobho sobha ia Izalaiele u bhongolola nzungule ia jiplofeata, manhí mba kukamba ngó bhuòfele mu kutenesa hama jiuana ja jipolofeta, anga u a ebhula, uixi: Enu kiebhi-ze, ngiia ma kúlua ni Lamote dia Ngiliiade, mba ki ngiii-ku? Kuala ene: Banda, mukonda Ngana ua kà mu bhana bhu lukuaku lué, u sobha.

Izekiiele 14:9

Se o musesedi a mu tobhesa, anga u zuela kima kioso-kioso, eme ngi Jihova, eme-muène ngà fundisa o musesedi muenhó; anga nga kà sunununa o lukuaku luami kua muene, hé ngi mu jimisa o mbutu muʼaxaxe ka mundu uami ua Izalaiele;

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Luka 2:1

Mu Izuua iná anga ku tunda ngonge kua Sézalu Nguxi, ia kusoneka athu oso mu ngongo.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Loma 1:8

Kima kia dianga, nga sakidila Nzambi iami kua Jezú Kristu mukonda dia enu oso; kuma o kuxikana kuenu kua fumana mu ngongo ioso.

II Tesalonika 2:9

Kuma o Kisueia iuná, o ku dʼidikisa kuê, kuenda ni kukalakala kuoso kua Satana, ni nguzu ioso ni iphata ni madiuanu ma makutu.

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

Tiiaku 3:15

O unjimu u kala kiki, ki unjimu u tunda bhulu, maji ua mu ngongo mumu, ua xitu, ua tundu kua Diabhu.

Josuué 11:5

Jisobha joso jiji jiza, anga ji ta kibangu kiâ bhu menha ma Melone, phala kubhânga ni Izalaiele.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:3

Ku mítue ia kiamʼiki, anga ngi mona mùtue umoxi-ku uedi kala a u kuamenene ku u jibha, maji o fidila iê ia kù fua anga iluka. Ngongo ioso anga i di uana o kiamʼiki, anga a kala mu ku ki kaiela.

Dijingunuinu 16:16

Kienhókio o jinzumbi jaiibha anga ji bongoluela o jisobha bhu kididi a kʼixana mu mbimbi ia Hebeleu exi Alumajedone.

Dijingunuinu 16:7

Anga kienhókio ngʼivua dízui dia tundu bhu kalatódio, dixi: Kiene muene! Eie Ngana Nzambi, Muteni-a-Ioso, o kubatula kué kua kidi, kuaiuka!

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?