Dijingunuinu 16:10 - O Mikanda Ikola

¹⁰ Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.

Dijingunuinu 16:10 ပူးပေါင်းရင်းမြစ်များ

Jisálamu 78:49

U a kuuila ku thandu diâ o njinda iê iatema, ni dibhebhu, ni uíndua, ni kibuika; kibuka kia ji-anjo a a tumu muene kubuidisa.

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 13:50

O aiibha há a kà a texi mu kítubhia kia dikota. Kuene kuà kala o kudila ni ku di kokota ku mazu.

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 24:51

Anga u mu bhana kibetu kiavulu, u mu bhana kididi ni akua mangonha. Kuene kuà kala o kudila ni ku di kokota ku mazu.

Matesu 8:12

Maji ana ene avu o ungana uâ-phe, a kà a kaiela ku usuku ua kanga, kuenhoko kuene kuà kala o kudila ni ku di kokota ku mazu.

Luka 13:28

Bhenhobho bhene bhua-ndu kala o kudila ni ku di kokota ku mazu, ki mu mona Mbalahamu, ni Izake, ni Jakobo, ni jipolofeta joso, ala mu kifuẋi kia Nzambi, enu-phe a mi texi bhu kanga.

I Phetele 2:17

Mu xila athu oso. Di zodienu ni jiphange jenu mu kuxikana. Mu kala ni uôma ua Nzambi. Mu kala ni ujitu ua muenexi.

Dijingunuinu 11:10

Athu a tungu mu ngongo a di bhana jiphèmbele, a kala mu kuolela, mukonda dia kúfua kua mbangi jiiadʼiji. O mu kutana kuâ, a di tumikisa maujitu, mukonda exi polofeta jiiadʼiji ja kexile ku a tatesa kiavulu ene oso a tungu mu ngongo.

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

Dijingunuinu 17:17

Kuma o Nzambi ua a te-kiu mu miẋima iâ, o kubhanga kia mu kala mu kilunji kiê, phala ene oso a sunge kilunji kimoxi, kia kubhana kiama o utuminu uâ, katé bhua kà zubhila kubhita o maka ma Nzambi.

Dijingunuinu 17:9

Imʼíii-phe i bhinga unjimu ni kutongoloka, kuma: O sambuadi dia mútue, sambuadi dia mulundu, o muhatu ua xikama ku thandu diâ. O mítue ienhiʼii ue, sambuadi dia sobha:

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 9:2

Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.