Dijingunuinu 14:4 - O Mikanda Ikola

⁴ Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Dijingunuinu 14:4 ပူးပေါင်းရင်းမြစ်များ

Jisálamu 45:14

Ibhôbho i mu bheka kua muenexi ni izuatu ia makembu; ilumba ni akuâ, o makamba mê, ejila-nê kumoxi.

Jisálamu 74:2

Xinganeka o kifuẋi kié ki ua sumba tunde mʼokulu, eie muene ua a kula mu ku kala muiji ua undundu ué; ni mulundu ué ua Ziione ku ua te o dibhata.

Mukumbi ua Mikumbi 1:3

Mu ku nuha kiambote, o maji mé ala kota mu ku uabha; o dijina dié, mukuá ni maji ma dizumba mala ku lunduluka; anʼa ilumba kiene kia ku zolela.

Mukumbi ua Mikumbi 6:8

Ahetu a sobha, makuinhi a samanu, ahetu bhu mbandu makuinhi-nake, o ilumba ia mizeletete ku tena ku a tanga.

Jelemiia 2:3

Bhenhobho-phe Izalaiele a mu lumbilile Jihova, kifua ibundu ia mutomo ia mabhia mê: oso a mu minha-minha jinga, a a kitile akua mulonga; kua a tulukila jinga divuua, Jihova ua ki tange.

Amoji 6:1

Oso ala kiá ni kunhoha mu Ziione, kokolo diâ! Ni oso a di mono ku kondama ku mulundu ua Samádia, lamba diâ! Kokolo dia ilamba ku miji ia dianga mu ngongo, edi o kokuâ kuene kua mu lengela o dibhata dia Izalaiele.

Matesu 19:12

Mukonda ima i fudisa kusakana iavulu, kuma sai-ku makudi kiene kiá ki eniâ, tunde mu ku a vuala kuâ; sai-ku iá a a bhangesa ku kala makudi kuala athu; sai-ku iá ene kiá a di bhangesa makudi, mukonda dia Utuminu ua Diulu. Uoso ua tena ku ki tambulula, a ki tambulule.

Matesu 25:1

Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Matesu 8:19

Anga kuiza musoneki umoxi, uixi: Mesene, eme ngi ku kaiela kuoso-kuoso ku uia.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 13:37

Phetele uixi: Ngana, ki ngi tenena-hi ku ku kaiela kiá? Eme ngi bhana muenhu uami mukonda dié.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

I Kolindo 16:15

Enu Setefano mua mu ijiia kiambote, kumoxi ni akua bhata diê,—ene o jikidistá ja dianga o kudiela ku Ngelésia, iá a te muẋima ku kikalakalu kia kudikila o athu a ngene a Nzambi. Enu phange jami, nga mi diondo-phe,

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:28

Ki uila-phe u sakana, ki kituxi ki ua te. O monʼ a muhatu ue kia sakana, ki kituxi kia te. Oso a sakana-phe andù kala ni jingongo mu xitu, maji eme-phe nginda ngi mi tebhunuina-ku.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Efezo 1:14

O Nzumbi Ikôla kifua diene o diẋikina dia tu bhana dia kuila hinu tua kà tambula kua Nzambi kiokio kia kanena o mundu uê, ni kuila hinu Nzambi ua kà bhana ufolo uatenena kua ió oso a mu tokala. Uila kiki, tu Ximanienu o unéne uê!

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 3:4

Maji sai-phe ni athu u uala-nâ mu Salade, a kambe kukasanesa o izuatu iâ. Enhó hinu enda ni eme-muène mu izuatu izela, kuma kia a fuama.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.