Dijingunuinu 14:20 - O Mikanda Ikola

²⁰ O ji-uva anga a ji kamena mu ditangi ku mukáu ku kanga dia mbonge, o mukunguiji ua manhinga a tundu mu ditangi, hungulule iê kulebha iambata hâma jitatu ja kilómetulu, o kuzonga kuê métulu ni kaxaxe.

Dijingunuinu 14:20 ပူးပေါင်းရင်းမြစ်များ

Dimatekenu 49:11

O bulu iê ia ndumbe u i kuikila ku muvide, o monʼa bulu iê ia mukaji, ku kixina kia beta kuuabha; izuatu iê ua kà i sukula mu vinhu, ni divunga diê mu manhinga ma jiuva.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Kuditenda 1:15

Jihova ua diatela bhoxi o mazonda mami moso ma ita, ma kexile nʼeme mu dibhata muene; ua ngʼixanena nzungule ia mundu, phala ku ngi sosomuena o nzangi ia minzangala iami ia mala; Jihova ua zangula kilumba, monʼa Juda, iú ua mu tuzala kala mu ditangi dia kukamena o vinhu.

Izekiiele 32:6

O ixi i ua mu kuenda ni kuzouela nga-nda ku i betesa ni mahaxi mé, katé ni ku milundu; o jihungulule anga ja kʼezala ni manhinga mé-èie.

Jouele 3:13

Tenu-mu kibholola, kuma díbhia dioso diabhi kiá; zenu mu kuvuka ji-uva, kutukenu kuma ditangi diezala, itutu ioso ia matangi iala mu subhajaka; mbata ufusa uê uonéne.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.