Dijingunuinu 14:10 - O Mikanda Ikola

¹⁰ muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.

Dijingunuinu 14:10 ပူးပေါင်းရင်းမြစ်များ

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

Jobe 18:15

Ió ka mu kexe kima, muene ua kà tunga mu balaka iê; ku dibhata diê a kà kuua-ku xofidi i jokotesa.

Jobe 21:20

Kioso ki muiza uíndua, u di muene-kiu muene-muène ni mesu mê, anga únua muene ku njinda ia Muteni-a-Ioso.

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 52:6

O athu aiuka a kà ki mona, hé a kà kala ni uoma; muenhó a kà mu olela, kuila:

Jisálamu 60:3

O mundu ué ua a talesa hadi; ua tu nuisa vinhu ia kubhendujuka.

Jisálamu 73:10

Mundu uangene-phe, kua ene kuene kuaia; a a kita iene o fiẋi iâ i tunda o menha a kunuina kubhindama.

Jisálamu 75:8

Mbata o lukuaku lua Jihova, lua kuata nganza ia vinhu i thuthuma kifulu; o uhôlua uê ua di lungu muene; u lundulula-ku, hé u nuisa o isuéia ioso mu ngongo, a i nua muene ni mavunze mê.

Jisálamu 91:8

U tala ngó ni mesu, hé u mona abhukumuka kia bonga o kaxtiko.

Izaía 29:9

Kokolokenu, mu diuane! Sangulukenu, mu dikole! A kodiua, maji ki vinhu ia a kodiuisa! A bhendujuka muene, maji ki ualende ua ki bheka.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 34:9

O jingiji ja Idomo ja kà biluka uasu, o fufuta iâ, mukuâ ni xofidi, oxi iâ i kala kala ngulele iauama.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Jelemiia 25:27

Mbata eie ua kà a tangela, kuila: Kienhiki kiambe Jihova dia Ifuẋi, Nzambi ia Izalaiele: Nuenu, mu kodiue, mu di lusile, mu dibhale bhoxi, mu lémbue ku balumuka-bhu, mukonda dia xibhata i nga-nda ku mi tumikisa eme.

Jelemiia 49:12

Mukonda Jihova uambe, kiki: Talesa, kuma iá ka a xindile kúnua kopho, a-nda ku i nua muene iene ioso, eie anga u subhukʼé muene? Kana, ka kambe ku ku belesa muene, eie ue uanda ku i nua.

Jelemiia 51:57

Nga kà kodiuisa o ilamba iê, ni jinjimu jê, ni jikabhitangu jê, ni makota mê ma jinganga, ni mazonda mê; hé a ká zeka kilu ki nangenena, ki mungu dingi a tona; Sobha ua bhingi dijina diê Jihova dia Ilombo Ieta muene ua ki tange.

Kuditenda 4:21

Eie-phe, monʼa kilumba kia Edomo, ua tungu mʼoxi ia Uze, tana-ku, u sanguluke! Dikáu-ze hádia dia-nda kubhiẋila ue kokué, hinu-phe ukodiua na-diu anga u di vungununʼê eʼmuene-muène hé u xala tuẋi.

Izekiiele 20:48

Anga o xitu ioso ia kà ki mona kuila eme, ngi Jihova, nga tu uika; ki tua kà jima dingi.

Izekiiele 38:22

Anga mu ku zoka-nê nga kà mu bilukila ni dibhebhu ni manhinga; ni mvula ia kungulula-musoke, ni imatadi ia makota ia mvula, nga kà lauila túbhia ni xofidi ku thandu diê, ni ku thandu dia masoladi ê, ni ku thandu dia miji ia vulu ioso i kala kumoxi ni muene.

Habakuke 2:16

Bhu kididi kia kijingu, ua kà sebuluka katé ki ki ku kuma; nuá-ku ue, u kale kala u mukua dibôlo a kambe ku mu saia; o dikáu diene bhuʼkuaku lua dilu lua Nzambi dia kà ku bilukila, o fuma ié ia kà laukila lusebu mukua ni ima iòluse anga i zangiua.

Matesu 20:22

Jezú-phe u vutuila, ana kiiadi a muhatu, uixi: Ki mua kʼijiia kioso ki mua bhingi. Enu mu tena kúnua dikáu di nganda kúnua Eme? Ni ku mi batizala batizu ia ngi batizala na-iu Eme? Exi: Tua soko-bhu.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Marku 8:38

Uoso u kala ni jisonhi jami eme ni ja maka mami ku muiji iu ua jiphanda ni ituxi, o Monʼa Muthu ue ua ka kala ni jisonhi ja muene kia keza ni ungana ua Tatʼâ ni ji-anju je jangene.

Marku 9:44

Mua bhingi dibhuka die ki di fu, o tubhia tuê ki tu xikina kujima.]

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

II Tesalonika 1:7

Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 15:7

Kienhókio, ku iama iuana ia muenhu, ku kala kimoxi ki bhana sambuadi dia anju sambuadi dia nganza ia ulu iezala ni njinda ia Nzambi, Ió ueniê ni muenhu uê katé ku hàdia ni hàdia.

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 18:6

Kioso kia bhangele muène, mu futienu-kiu; kioso kia fuama mu imbamba iê, mu vutuidienu-kiu mu luiadi! O kopho ia mi lungidile, muène ue mu lungidienu-iu luiadi.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.