Dijingunuinu 14:1 - O Mikanda Ikola

¹ Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Dijingunuinu 14:1 ပူးပေါင်းရင်းမြစ်များ

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Izaía 49:14

Maji Ziione, uixi: Jihova ua ngʼehelela kiá, Ngana iami ua ngi landuka.

Jelemiia 1:11

Kua ngi tula dingi kizuelu kia Jihova, kixi: ua mono-hi, Jelemiia? Eme phe ngixi: ngalu mona luthangu lua mumendouela.

Izekiiele 1:4

Mu kutala, nga mono kitémbue kia nguzu kiala mu kuijiia ku mbandu ia suku, ni dituta dia dikota ni túbhia tuedi kala kitumba kia mu uama; o mu jimbandu jê anga mu di-muika, o mu kaxi kê mu kala kima kia kidifua kia kìphembe, ki kala mu tunda mu túbhia.

Izekiiele 10:1

Kienhokio-phe ki nga tale nga mono kuila ku diulu dia kexile ku thandu dia mítue ia jixelube kua tukuluka ku thandu diâ, kima kala ditadi dia Safídia, kia moneka kala kídifua kia kiandu.

Izekiiele 10:9

Kienhokio-phe nga tale, kua moneka malola auana bhu mbanduʼa jixelubini, bhu mbanduʼa xelubini dilola, o bhu mbanduʼa xelubini iamukuá dilola; o malola ku a tala, o kidifua kiê edi kala ditadi dia tulukeza.

Izekiiele 2:9

O ki nga tale, nga mono lukuaku lua mu kuiza ni kusununuka kokuami, o bhu lukuaku bhuala dilanda dia divulu.

Izekiiele 44:4

Kia zubha kiki, ua ngʼambata ku njila ia muelu ua kexila Kusuku, ku pholo ia inzu; o ki nga tale, nga mono o kizunda kia Jihova kiezalesa o inzu ioso ia Jihova; kienhókio anga ngi di ṗhudika O pholo bhoxi.

Izekiiele 8:7

Anga u ngi bheka bhu dibhitu dia kimbaka: Bheneʼobho nga tale, hé ngi mona bhuala ngenda mu mutôto.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Daniiele 12:5

Eme ngi Daniiele, o ki nga tale, nga mono kiiadi emana, o iú ku mbanduʼa ngiji ku sámbua kunu, o mukuá ku mbanduʼa ngiji ku sámbua kuná.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Zakadiia 4:2

Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

Luka 12:8

Ngi mi ambela: Uoso u ngi xikana eme bhu pholo ia athu, Monʼa Muthu ue ua kà mu xikana muène bhu pholo ia ji-anju ja Nzambi.

Loma 9:33

kala kia ki soneka mu Mikanda Ikôla: Talesenu, nga tula mu Ziione ditadi dia kidibhukanu, ndanji ia iẋanju ku a di bhela ibhalu. Maji uoso-phe u mu xikana Muène, ka kà kuata jisonhi.

Dijingunuinu 14:14

Kienhókio anga ngi talesa, hé ngi mona dituta diazele, o ua xikama ku dituta uedi kala monʼa muthu. O ku mútue uê kua mu kala kitundu kia ulu, o bhu lukuaku luê ua kuata kibhôlola kiatu.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 15:5

Kia bhiti imʼii, nga mono o Tembulu mu diulu ia jikuka, ni Balaka ia Umbangi muene mu iala.

Dijingunuinu 22:4

Ene a kà kala mu ku mu mona jinga o pholo iê, o dijina diê a kà kala na-diu diòsoneke bhu mabhômo mâ.

Dijingunuinu 3:12

Uoso u tolola, Eme ngi mu bhanga ngùnji i kuatesa o Tembulu ia Nzambi iami, o muene ka kà tunda-mu dingi. Ngi mu soneka o dijina dia Nzambi iami, ni dijina dia mbanza ia Nzambi iami, o Jeluzaleme ia ubhe, i tuluka ku diulu kua Nzambi iami. Ngi mu soneka ue ni dijina diami eme-muène dia ubhe.

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.