Dijingunuinu 13:16 - O Mikanda Ikola

¹⁶ Anga u bhinjika ene oso, ni jindenge ni makota, ni jimvuama ni jingadiama, ni jifuôlo ni abhika, kuila ene oso a a te kidimbu ku lúkuaku lua dilu, mba bhu dibhomo.

Dijingunuinu 13:16 ပူးပေါင်းရင်းမြစ်များ

II Malunda 15:13

Ni kuila uoso ngué kusota Jihova, Nzambi ia Izalaiele, u fua, tunde ku mona-ndenge tule ku muadiakime, tunde ku diiala tule ku muhatu.

Jobe 34:19

Kuambe dingi ió kene ni kubhanga katungu ka uthu ua ilamba, mba mvuama u beta ku mu bhana ujitu, o jingadiama nʼa kala ndenge; kuma enʼoso kikalakalu kia maku mê.

Jisálamu 115:13

U benzela oso akua uôma ua Jihova, ni jindenge ni makota.

Jisálamu 49:2

Ni enu mu akua lazu, ni enu mu jingana, ni jimonhi ni jingadiama, enu oso kumoxi.

Makatukilu 13:9

Kia kà kala kidimbu ku lukuaku luenu, ni kijimbuete bhu dibhomo, phala ngonge ia Jihova i mi kale mu kanu; kuma Jihova ua mi katula ni lukuaku lua nguzu mu Ijitu.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Zakadiia 13:6

Se bhu kala muthu u muʼila: I iii, italakanha iahi ia ku kala ku makuʼiii? Muene ua kàmba, kuma: Italakanha iii, ku ngi kuama kua ngi kuama mʼonzo ia makamba mami.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

I Kolindo 12:13

Kuma ku Nzumbi imoxi etu oso a tu batizala mu mukutu umoxi, kixi tu Jijudé, kixi ki tu Jijudé, kixi tu abhika, kixi tu jifôlo. Etu oso a tu nuisa ku Nzumbi imoxi.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Ngalásia 6:17

Kala kiki, ku pholo ku tuia, ki bhu kale dingi muthu u ngi tela ima i ngi tatesa. Kuma o itote i ngʼ ambata ku mukutu uami, iene idimbu ia mu kuidikisa kuila ngi selevende iangene ia Jezú.

Efezo 6:8

Lembalalenu kuma kima kioso ki bhanga muthu, kiene kia kà tambula dingi kua Ngana, kixi uala u mubhika, kixi u fôlo.

Matendelelu 11:18

Inda lundenu maka mamiʼama ku miẋima ienu, ni mu mienhu ienu, maka iá kutilenu-nâ ku lukuaku luenu phala a mi kale kijimbuete, endenu-nâ bhu dibhomo phala ka mi bhue ku mesu.

Matendelelu 6:8

A kala ue kidimbu ki ua kutila mu lukuaku lué; u a nhenga muene bhu kaẋi ka mesu mé maiadi, phala a kale kijimbuete ki ua kutila bhu dibhomo dié.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

II Timote 3:8

Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 15:2

Anga ngi mona kidifua kia kizanga kia vidulu iolunge ni túbhia. Hé ngi mona ue ió oso a bhânge ni kiama, iá a mu tolola, muène ni kitèka kiê, kumoxi ni iala ió ua bhingi o númelu iene iala bhu kididi kia dijina diê. Enhá, a tolola, hé emana bhu kizanga kia vidulu, a kuata kuxika jimbànza ja a bhana kuala Nzambi.

Dijingunuinu 19:18

Zenu mu die xitu ia jisobha, ni xitu ia makesongo a ita, ni xitu ia masoladi, ni xitu ia jikabalu ni ene a ji mondala, ni xitu ia athu oso, jifôlo ni abhika, jindenge ni makota!

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 19:5

Kienhókio, bhu kiandu anga bhu tunda dízui, dixi: Ximanenu Nzambi ietu! Mu ximanienu enu oso mu jiselevende jê, enu mua mu kuatela uôma, jindenge ni makota!

Dijingunuinu 20:12

Anga ngi mona ue o madifundu, makota ni jindenge, emana bhu pholo ia kiandu. Anga a jikula madivulu, ni divulu dia mukuá a di jikula, diene o divulu dia muenhu. O madifundu anga a a fundisa o ima ioso iosonèke mu madivulu, hé a a bhana kioso kia tokala mu imbamba iâ ia bhanga jinga.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 6:15

Bhenhobho, o jisobha mu ngongo, ni atumini, ni ilôlo ia ita, ni jimvuama, ni mazonda, ni athu oso kia amukuá, abhika ni jifôlo, a suama mu jiṗhudi ni mu jindanji ku milundu.

Dijingunuinu 7:3

Anjo u a ambela, uixi: Kana kukuama oxi, mba musanza ua kalunga, mba mixi, katé ki tu zubha ku a ta kidimbu bhu dibhomo, oso jiselevende ja Nzambi ietu.