Dijingunuinu 13:14 - O Mikanda Ikola

¹⁴ Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 13:14 ပူးပေါင်းရင်းမြစ်များ

II Jisobha 20:7

Izaia hé u zuela dingi, uixi: Katulenu jifiku jʼotoxe. Anga a ji katula, a ji ta bhu kitote; muene anga uiluka.

II Jisobha 22:20

Kala kiki, tala, eme nga-nda ku ku bhongolola kuʼàia o jitata jé; eie a kà ku funda mu mbila ié ni kutululuka; o mesuʼé ka-nda kumona o hadi ioso i nga-nda kubheka bhu kididi kiki, kana. Ene anga a vutuka kua sobha mu ku mu tudila o njimbu iii.

II Malunda 18:21

Jihova u kumuna, uixi: Ua ka mu bhomba nʼihi? Muene uixi: Eme nga-nda kutunda; hé nga kà kala ngi nzumbi ia makutu mu kanu dia jipolofeta jê joso. Kuala Jihova: Eie ua kà mu bhomba, ua kà mu tolola uê; tunda, ua kà mu bhange kieneʼokio.

Jobe 12:16

O nguzu ni kuijiia iala ni muene; ene oso a mu tokala muene, ku tale uoso u tondala uixi ió uoso u tondalesa.

Makatukilu 7:11

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izekiiele 14:9

Se o musesedi a mu tobhesa, anga u zuela kima kioso-kioso, eme ngi Jihova, eme-muène ngà fundisa o musesedi muenhó; anga nga kà sunununa o lukuaku luami kua muene, hé ngi mu jimisa o mbutu muʼaxaxe ka mundu uami ua Izalaiele;

Izekiiele 16:17

Eie ua zangula o makembu mé ma ku di-zakela, u nga ku bhana eme, ku ulu uami ni ku phalata iami, eie ua bhange iteka i ua ta jinga na-iu o jiphanda.

Izekiiele 8:10

Anga ngi bokona. O ki ngʼedi suí, mu mbandu joso ku phalelu a seta-ku idifua ioso ia jinhoka ni midikixi ni ia iama ioso iaiibha kinéne, ni ia mahamba moso ma dibhata dia Izalaiele.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 13:15

O kiama kia kaiadi kienhiki, anga a mu bhana o kutena kua kuila o kitèka kia kiama kia dianga u ki bhana kubhuima, anga kitèka kia kiama ki zuela hé ki kala ni kutena ue kua kujibha oso a di tunu ku ki bheza.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 14:9

Anga ku kaiela anju iamukua ia katatu, u tanga ni dizui dia suina, uixi: Se muthu u bheza o kiama ni kitèka kiê, hé u tambula o kidimbu kiê bhu dibhomo mba ku lúkuaku,

Dijingunuinu 15:2

Anga ngi mona kidifua kia kizanga kia vidulu iolunge ni túbhia. Hé ngi mona ue ió oso a bhânge ni kiama, iá a mu tolola, muène ni kitèka kiê, kumoxi ni iala ió ua bhingi o númelu iene iala bhu kididi kia dijina diê. Enhá, a tolola, hé emana bhu kizanga kia vidulu, a kuata kuxika jimbànza ja a bhana kuala Nzambi.

Dijingunuinu 16:13

Anga ngi mona ʼnzumbi jkitatu jaiibha jedi kala mazote. Nzumbʼiji ja tundu mu kanu dia mudikixi, ni mu kanu dia kiama, ni mu kanu dia polofeta ia makutu.

Dijingunuinu 16:2

Anju ia dianga anga uia, hé u lundulula o nganza iê mu ngongo. Anga i bhangesa jifidila jaiibha, jixixima ku mikutu ia athu ala ni kidimbu kia kiama, a bheza jinga o kitèka kiê.

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.